Напрыканцы першага асенняга месяца ў Кітаі адбудзецца сапраўды знакавая падзея. 20 верасня ў горадзе Дуньхуане, што ў правінцыі Ганьсу, адкрыецца міжнародная культурная выстава-кірмаш «Шаўковы шлях».
Як паведаміў удзельнікам Еўразійскага медыясемінара (журналісты з многіх краін свету зараз наведваюць шэраг рэгіёнаў Паднябеснай) сакратар КПК правінцыі Ганьсу Ван Саньюнь, свой удзел у мерапрыемстве ўжо пацвердзілі 58 краін.
Падчас правядзення выставы адбудзецца маштабная прэзентацыя ўнікальнай культуры старажытнай кітайскай цывілізацыі. Як вядома, з 6 тысяч кіламетраў Шаўковага шляху на тэрыторыю правінцыі Ганьсу прыпадае значная частка — 1,6 тыс. км. А цудоўны Дуньхуан, куды штогод прыязджаюць тысячы турыстаў, нездарма лічыцца жамчужынай на легендарным транспартным маршруце. Так што месца правядзення выставы было перадвызначана.
«Гэта мерапрыемства павінна з цягам часу стаць нацыянальным брэндам Кітая, — заўважыў Ван Саньюнь. — Яно мяркуецца як маштабная платформа для актыўнага ўзаемавыгаднага культурнага абмену. Транснацыянальны праект «Адзін пояс, адзін шлях» павінен злучыць транспартна-лагістычнымі сувязямі многія дзясяткі краін. Пры гэтым не менш важна, што будзе адбывацца культурны, гуманітарны абмен паміж краінамі і народамі. У гэтым кантэксце форум у Дуньхуане набывае асаблівае значэнне».
Мікалай ЛІТВІНАЎ
Што за таемнымі дзвярыма?
