Вы тут

Вырошчваем часнок з «бульбачак»


Не кожны агароднік можа дазволіць сабе вырошчваць азімы часнок зубкамі, бо пры гэтым метадзе пасадкі іх спатрэбіцца вельмі шмат. Ёсць яшчэ адзін метад — вырошчванне часнаку з «бульбачак» — паветраных цыбулінак.


На азімым часнаку ў чэрвені ўтвараюцца стрэлкі. У гэтых стрэлак на канцы развіваюцца, замест суквецця, паветраныя цыбулінкі. Іх яшчэ называюць «бульбачкі».

На большасці раслін стрэлкі трэба зрэзаць накасяк або абламаць (не выдзіраць), каб атрымаць больш буйныя галоўкі часнаку, а на самых добра развітых пакінуць стрэлкі з суквеццямі. Далей трэба дачакацца часу, калі абгортка суквецця лопне і «бульбачкі» набудуць афарбоўку, якая ўласціва канкрэтнаму сорту часнаку. Пасля гэтага трэба цалкам вырваць расліну і падсушыць.

Перад пачаткам сяўбы паветраныя цыбулінкі трэба вызваліць з суквецця, адабраць самыя буйныя. Пасеў трэба праводзіць з другой дэкады верасня да сярэдзіны кастрычніка.

З кожнай «бульбачкі» ў ліпені наступнага года вырасце адназубка значных памераў, якая будзе выдатным пасадачным матэрыялам пад зіму для вырошчвання буйных галовак.

Падрыхтоўка градкі:

Градку для вырошчвання часнаку з «бульбачак» трэба падрыхтаваць наступным чынам: на 1 квадратны метр унесці 3-4 кілаграмы кампосту або перагною і 1 сталовую лыжку суперфасфату. Далей усё перакапаць і разраўнаваць глебу на градцы. Затым папярок градкі зрабіць баразёнкі глыбінёй 2-3 сантыметры. Адлегласць паміж баразёнкамі зрабіць 10 сантыметраў. «Бульбачкі» трэба раскласці ў іх на адлегласці 1-2 сантыметры адна ад другой. Потым трэба прыкрыць баразёнкі глебай і пакінуць пад зіму. Не лішнім будзе, асабліва калі чакаецца халодная зіма, правесці мульчыраванне градкі слоем пілавіння (2-3 сантыметры). Вясной, пры адтайванні глебы, пілавінне трэба прыбраць.

Ірына ТАМКОВІЧ

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.