Міністэрства сувязі і інфарматызацыі Рэспублікі Беларусь 17 лютага выпусціла ў абарачэнне новыя паштовыя маркі з эмблемай Рэгіянальнай садружнасці ў галіне сувязі. Гэтым разам яны прысвечаны беларускім промыслам — «Саломапляценню» і «Ганчарству».
Праект падрыхтаваны па матэрыялах, сабраных у Нацыянальным мастацкім музеі Рэспублікі Беларусь. Дызайн Таццяны Кузняцовай. Намінал маркі «N» адпавядае тарыфу на перасылку міжнароднай простай паштовай карткі, не прыярытэтнай. Намінал маркі «H» адпавядае тарыфу на перасылку міжнароднай простай пісьмовай карэспандэнцыі (пісьмаў, бандэроляў, дробных пакетаў) масай да 20 г, не прыярытэтнай.
У дзень выпуску марак на паштамце сталіцы праводзілася спецыяльнае гашэнне на канверце «Першы дзень».
Што за таемнымі дзвярыма?
