Банда Бойкаў

«Банда-банда» — песня пра Богуся і Мірку Бойкаў. Родныя брацікі, для якіх шкода — жыццё, шкодзіць — жыць! «Богусь хоча адчуваць, Мірка — смяяцца. Гэта ідэальнае спалучэнне для арганізацыі прыгод, — дзеляцца бацькі хлопчыкаў Аляксандра ды Яўген. — Калі адзін не дастае — другі яму скідвае, калі другі запэцкваецца — першы яго выцірае сабой. Старэйшы любіць Пабла Пікаса і «пікасіць», меншы — рогат і рагатаць. Цішыня ў доме? Хто памятае — раскажыце, як гэта. Богусь і Мірон — удзельнікі самых ганаровых падзей нашай сям'і з лютага 2017-га па сакавік 2018-га. Так і жывём!»

Шаноўныя мамы і таты, бабулі і дзядулі! Шчыра запрашаем вас прыняць удзел у конкурсе «Беларусікі». Дасылайце здымкі вашых дзетак, унукаў, а можа, нават і праўнукаў (з невялічкім аповедам) на адрас «Звязды». Але адна ўмова — каб, зірнуўшы на фота, адразу ж можна было зразумець, што гэта беларусік. Арыгінальнасць і творчы падыход вітаюцца! Аднаго з герояў, якога мы ўбачым на здымках, чакае прыз!