Вырастуць мінімальныя пенсіі, надбаўкі, павышэнні і даплаты да іх

У Беларусі з 1 мая ў сувязі са змяненнем бюджэту пражытачнага мінімуму ў сярэднім на душу насельніцтва (БПМ) будуць праведзены пераразлікі мінімальных працоўных пенсій, надбавак і павышэнняў да іх, даплат пенсіянерам ва ўзросце старэйшым за 75 гадоў, сацыяльных пенсій, паведамілі ў Міністэрстве працы і сацыяльнай абароны.

Пастановай Мінпрацы і сацабароны ад 24 красавіка 2018 года нумар 47 БПМ з 1 мая па 31 ліпеня 2018 года ў разліку на месяц устаноўлены ў памеры Br206,58. Новы БПМ павысіўся на 3,6 працэнта ў параўнанні з нарматывам, якія дзейнічаў з 1 лютага па 30 красавіка бягучага года (Br199,32), адпаведна павялічваюцца і памеры пенсійных выплат.

Памеры бюджэту пражытачнага мінімуму ў сярэднім на душу насельніцтва і па асноўных сацыяльна-дэмаграфічных групах (у цэнах сакавіка 2018 года): у сярэднім на душу насельніцтва - Br206,58, працаздольнае насельніцтва - Br229,78, пенсіянеры - Br157,5, студэнты - Br199,75, дзеці ва ўзросце да 3 гадоў - Br132,98, дзеці ва ўзросце ад 3 да 6 гадоў - Br183,35, дзеці ва ўзросце ад 6 да 18 гадоў - Br223,91.

Мінімальны памер пенсіі па ўзросце (назначаецца асобам, якія маюць стаж 25 (20) гадоў у мужчын і жанчын) з улікам даплаты ў памеры 20 працэнтаў сярэдняй заработнай платы для вылічэння пенсій складзе Br191,03 (Br51,65 - мінімальны памер, Br139,38 - даплата).

Сацыяльныя пенсіі, якія назначаюцца пры неатрыманні працоўнай пенсіі, павялічацца наступным чынам: інвалідам I групы, у тым ліку інвалідам з дзяцінства (110 працэнтаў БПМ) - да Br227,24, інвалідам з дзяцінства II групы (95 працэнтаў БПМ) - Br196,25, інвалідам II групы (акрамя інвалідаў з дзяцінства), дзецям па прычыне страты карміцеля на кожнае дзіця (85 працэнтаў БПМ) - Br175,59, інвалідам III групы (75 працэнтаў БПМ) - Br154,94, асобам старэйшым за агульнаўстаноўлены пенсійны ўзрост (50 працэнтаў БПМ) - Br103,29, дзецям-інвалідам ва ўзросце да 18 гадоў пры рознай ступені страты здароўя (80-110 працэнтаў БПМ) - ад Br165,26 да Br227,24.

Штомесячная даплата да пенсій непрацуючых пенсіянераў складзе для людзей ва ўзросце 80 гадоў і старэйшым Br51,65, для людзей ва ўзросце ад 75 да 80 гадоў - Br38,73. Надбаўка да пенсій прадугледжана інвалідам I групы - Br51,65, пенсіянерам, якія дасягнулі 80-гадовага ўзросту, - Br25,82.

Павышэнне памеру пенсіі чакае і іншыя катэгорыі атрымальнікаў: Герояў Беларусі, Савецкага Саюза, Сацыялістычнай Працы, асоб, узнагароджаных ордэнамі Айчыны і Славы трох ступеней, інвалідаў вайны.

БЕЛТА