Усходні гараскоп на наступны тыдзень

АВЕН. Удача будзе спадарожнічаць вам шмат у чым. Некаторыя прадстаўнікі гэтага знака змогуць памяняць месца працы ці сустрэць сваё каханне. Вы адчуеце прыліў сіл і справіцеся з усімі справамі, за якія возьмецеся. Адзінае, ад чаго варта ўстрымацца, дык гэта ад удзелу ў новых праектах. Паспрабуйце прытрымлівацца старых, правераных шляхоў.

ЦЯЛЕЦ. Старайцеся не марнаваць каштоўны час, на гэтым тыдні ён будзе на вагу золата. Усё задуманае можа здзейсніцца, калі вы спакойна і старанна будзеце рабіць сваю справу. Перш чым скласці план дзеянняў, варта праверыць надзейнасць тых, каму збіраецеся даверыцца. У другой палове тыдня можаце адчуць, што ў асабістым жыцці наспяваюць праблемы. Паспрабуйце пагаварыць шчыра. Пачуццё такту і спагаднасць дазволяць віртуозна справіцца з пастаўленымі задачамі.

БЛІЗНЯТЫ. Тыдзень абяцае быць эмацыянальна насычаным і багатым на падзеі. Вы зможаце дамагчыся мэты, атрымаць прыбытак і здабыць каханне. Фартуна ўсміхнецца ў самы нечаканы момант, а гэта абяцае выкананне даўніх, ужо амаль забытых жаданняў. У чацвер вас чакае гарачае спатканне. У суботу зможаце добра павесяліцца на сяброўскай вечарынцы. Будзьце дабрэйшыя да сваіх блізкіх, пакажыце ім на справе, а не толькі на словах, як вы іх шануеце і любіце.

РАК. Тыдзень абяцае нямала прыемных падзей. Аднак ці хопіць у вас на ўсё гэта сіл? Больш адпачывайце, крыху раней кладзіцеся спаць. Магчымы кардынальныя перамены на рабоце, якія падымуць вас на новы прафесійны ўзровень. У сераду варта прызнаць свае памылкі, упартасць паставіць вас у значна больш няёмкае становішча. Нядзеля — удалы дзень, каб завесці хатнюю жывёлу.

ЛЕЎ. Нядрэнна было б навесці парадак і ў паперах, і ў галаве, і ў асабістых адносінах. Пажадана захоўваць эмацыянальную раўнавагу і не раздражняцца па дробязях. У аўторак будуць удалыя паездкі і камандзіроўкі, магчыма далёкае падарожжа, якое дазволіць атрымаць поспех у справах або будзе садзейнічаць умацаванню здароўя. У суботу варта схадзіць з сябрамі ў лазню ці хоць бы ў кіно.

ДЗЕВА. Панядзелак здзівіць непрадбачанымі паваротамі падзей, якія раскрыюць вашы найлепшыя якасці. У аўторак давядзецца экстранна вырашаць назапашаныя праблемы. Планамерна рухайцеся да мэты, тады яна стане дасягальнай. У пятніцу верагодныя перамены, да якіх вы псіхалагічна не падрыхтаваныя. Аднак панікаваць не варта, справіцеся. У суботу не трэба ператамляцца, адпачывайце, а не спрабуйце перарабіць усе хатнія справы разам.

ШАЛІ. На гэтым тыдні жаданне пазбавіцца ад цяжару адказнасці і збегчы ад праблем можа згуляць з вамі злы жарт. Не спяшайцеся завяршаць справы, якія, на вашу думку, ужо блізкія да фіналу. Раптам могуць выявіцца новыя абставіны, якія ў корані зменяць сітуацыю, і ўсё давядзецца перарабляць нанова. Многае будзе залежаць ад начальства і аб'ёму работ. У сярэдзіне тыдня абмяркуйце праблемы з сябрамі.

СКАРПІЁН. Тыдзень здабыцця ўнутранай раўнавагі і руху наперад. Не саромейцеся дэманстраваць свае таленты, адзін рашучы і ўпэўнены крок дазволіць дасягнуць мэты і адчуць у сабе магутны ўнутраны энергетычны стрыжань. Будзьце ўважлівыя да блізкіх людзей, у вас ёсць усе шанцы зрабіць адносіны ідэальнымі. Вашы ідэі будуць запатрабаваны ў прафесійнай сферы.

СТРАЛЕЦ. Можаце акунуцца ў кругаварот разнастайных дзелавых і асабістых праблем. Неабходна пераадолець сумненні і няўпэўненасць ва ўласных сілах. У панядзелак пастарайцеся праяўляць практычнасць у справах і размеранасць у жыцці, што прынясе поспех у найбліжэйшай будучыні. Цікавае знаёмства можа спрыяць прафесійнаму поспеху. Чацвер прынясе ўздым сіл, у гэты дзень атрымаецца многае паспець і адчуць задаволенасць ад вынікаў. Субота можа прайсці ў актыўных сяброўскіх зносінах.

КАЗЯРОГ. Тыдзень будзе накіраваны на павышэнне прафесійнага ўзроўню і раскрыццё творчага патэнцыялу. У аўторак чакайце ўзнагароджання за вашу настойлівасць і працавітасць. У пятніцу могуць узнікнуць акалічнасці, якія зменяць планы. У нядзелю сваякі нагадаюць пра сябе, паспрабуйце аказаць ім неабходную дапамогу і падтрымку.

ВАДАЛІЎ. Вас можа пацягнуць на авантурныя любоўныя прыгоды, толькі не страцьце галавы і не размаўляйце пра асабістыя справы са староннімі. Вас перапаўняюць новыя ідэі і планы, але ўвасобіць іх у рэальнае жыццё будзе няпроста. У сераду можаце прапусціць важныя, але на першы погляд нязначныя дэталі. Засяродзьцеся на рабоце.

РЫБЫ. Творчы настрой дазволіць здзівіць свежымі ідэямі сяброў і калег па рабоце. На гэтым тыдні вам больш чым калі-небудзь важна быць самім сабой. Незалежна ад меркавання навакольных неабходна абараніць сваю праўду. Не варта падладжвацца пад чужыя чаканні.