У калоннай зале Цэнтральнага Дома афіцэраў Узброеных Сіл узнагародзілі пераможцаў штогадовага творчага конкурсу, які праводзіць Міністэрства абароны. Мэта конкурсу — вызначыць найлепшае асвятленне ў сродках масавай інфармацыі пытанняў будаўніцтва і развіцця Узброеных Сіл Беларусі, а таксама патрыятычнага выхавання насельніцтва.
У цырымоніі ўзнагароджання прынялі ўдзел памочнік міністра абароны па ідэалагічнай рабоце ва Узброеных Сілах — начальнік галоўнага ўпраўлення ідэалагічнай работы Міністэрства абароны Леанід Касінскі, першы намеснік міністра інфармацыі Павел Лёгкі.
Як адзначыў Леанід Касінскі, развіццё ў грамадстве пачуцця патрыятызму, выхаванне пачуцця адказнасці за абарону краіны з'яўляюцца прыярытэтнымі кірункамі забеспячэння ваеннай бяспекі.
Павел Лёгкі ў сваю чаргу падкрэсліў, што «мала быць прафесіяналам і пісаць пра армію цікава, тут трэба пісаць дакладна. Неяк Прэзідэнт параўнаў вынікі журналісцкай працы з магчымымі наступствамі прымянення зброі масавага паражэння. Сёння так і ёсць. Мы фарміруем грамадскае меркаванне, а ў сучасным свеце грамадская думка — гэта магутны сродак уздзеяння, зброя, інструмент уплыву. Безумоўна, фарміруючы стаўленне да войска, мы ствараем яго імідж у вачах мільёнаў грамадзян, тым самым падтрымліваючы нашы Узброеныя Сілы. Сёння дапамагаць арміі не толькі справай, але і словам як ніколі важна».
Лаўрэатам конкурсу ў намінацыі «Аўтарскі погляд» стаў наш рэдактар аддзела Валяр'ян Шкленнік (на фота). Віншуем калегу!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
