Навіны сталіцы

29.03.2019 00:36
Грамадства

У Смалявічах для мінчан плануецца пабудаваць эксперыментальны пяціпавярховы васьміпад'езны жылы дом з электраплітамі, арыенціровачна на 160 кватэр. Папярэдняя інфармацыя па рэалізацыі Указа № 103 размешчана на сайце Мінгарвыканкама, паведамляе БелТА. Дакумент уступіў у сілу 21 сакавіка гэтага года. Паводле яго, жыхары сталіцы, якія маюць патрэбу ў паляпшэнні жыллёвых умоў, могуць атрымаць жыллё ў горадзе-спадарожніку. Будаўніцтва будзе ажыццяўляцца ў 2019—2020 гадах долевым спосабам, забудоўшчыкам выступіць УКБ Мінаблвыканкама. Ва ўпраўленні жыллёвай палітыкі Мінгарвыканкама праінфармавалі, што заяву ў адміністрацыю свайго раёна Мінска грамадзяне маюць права падаваць незалежна ад даты пастаноўкі на ўлік. Фарміраванне спісаў дольшчыкаў ажыццяўляецца па заяўляльным прынцыпе пад кантролем Мінскага гарвыканкама на працягу трох месяцаў з даты апублікавання інфармацыі аб жылым доме.

Дзяржаўтаінспекцыя Мінска сёння праводзіць Адзіны дзень бяспекі дарожнага руху «Бяспраўніку» не месца за рулём!», паведамілі БелТА ў ДАІ ГУУС Мінгарвыканкама. Асаблівую ўвагу аддадуць прафілактыцы аварый па віне кіроўцаў, якія не маюць або пазбаўлены права кіравання транспартнымі сродкамі. За студзень — люты ў сталіцы выяўлена больш за тысячу фактаў такіх парушэнняў. Па віне бяспраўнікаў адбылося два ДТЗ, у якіх адзін чалавек загінуў і шэсць атрымалі траўмы.