У Мінску хлопчык гуляў з кайданкамі. Іх прыйшлося здымаць выратавальнікам

Увечары 18 лютага ў службу МНС звярнуліся ўстрывожаныя бацькі з просьбай аб дапамозе зняць кайданкі з ног дзіцяці, паведамляе прэс-служба ведамства.

Па прыбыцці высветлілася, што чатырохгадовы хлопчык гуляў з алюмініевымі кайданкамі, надзеў на ногі і заціснуў. Як патлумачылі бацькі, яны каля гадзіны спрабавалі самастойна іх зняць, але безвынікова і вырашылі заклікаць на дапамогу ратавальнікаў.

Хлопчык спакойна сядзеў і чакаў дапамогі, але вось калі ўбачыў спецабсталяванне, заплакаў. Тады працаўнікі МНС вырашылі выкарыстаць больш простыя інструменты, каб не палохаць дзіця. З дапамогай напільніка і абцугоў перарэзалі кайданкі і вызвалілі хлопчыка. Працэдура доўжылася нядоўга, каля 15 хвілін.

Пасля чаго хлопчык усміхнуўся і сказаў: "Вырасту і пайду працаваць ратаўніком".