Вы тут

АПБ абвясціла фотаконкурс у рамках «Жывой вясны»


Ён не мае ўзроставых абмежаванняў і далучыцца да яго могуць як дарослыя, так і дзеці. На конкурс прымаюцца ўласныя фота дзікіх птушак — вестуноў вясны, зробленыя ў прыродзе: белага бусла, вясковай ластаўкі і чорнага свіргуля.


— Бёрдвочынг, або назіранне за птушкамі, — адно з самых модных хобі ў свеце, і мы хочам, каб і ў Беларусі яно стала папулярным. Гэта здаровы лад жыцця плюс заўжды цікавыя ўражанні. Далучайцеся да гэтага захаплення і расказвайце нам пра вашы поспехi праз фатаграфіі, — прапануе каардынатар кампанii Ксенiя Малюкова.

— Сфатаграфаваць бусла лягчэй за ўсё на гняздзе. Свiргуля можна зняць у палёце проста з балкона кватэры, але трэба пачакаць да мая. Вясковыя ластаўкі вельмі прыязныя да людзей, цікава назіраць, як яны збіраюць матэрыял для будаўніцтва гнязда, — кажа фатограф дзікай прыроды Андрэй Шэўчык.

Да слова, фатаграфіі ластаўкі каля гнязда для ўдзелу ў конкурсе не прымаюцца.

Спецыялісты раяць, як паводзіць сябе пры фатаграфаванні: не шуміце, не рабіце рэзкіх рухаў. Калі набліжацца да птушак павольна, час ад часу спыняючыся, то яны могуць дазволіць вам падысці даволі блізка, бо не будуць бачыць у вас небяспеку. Апранайцеся няярка, у натуральныя колеры, у ідэале — камуфляж.

Памятайце пра этыку фатографа — не турбуйце птушак: не ўключайце ўспышку, не фатаграфуйце іх на гнёздах, не здымайце птушанят.

Даслаць сваё фота з першымі назіраннямі птушак можна на сайт ptushki.org праз форму «Дадаць назіранне» ці адправіць на паштовую скрыню springalive@ptushki.org з пазнакай «Фотаконкурс». Вынікі будуць падведзеныя 15 чэрвеня 2020 года, а найлепшыя работы з’явяцца на сайце АПБ ptushki.org. Трое пераможцаў атрымаюць прызы!

Дасылаючы фота на конкурс, удзельнікі пагаджаюцца, што глабальная прыродаахоўная асацыяцыя BirdLife International і яе нацыянальныя партнёры маюць права публікаваць конкурсныя работы ў любым фармаце з пазнакай аўтарства.

Даведка:

«Жывая вясна» — міжнародная кампанія глабальнай прыродаахоўнай асацыяцыі BirdLife International з мэтай прыцягнуць увагу дзяцей і дарослых да дзікай прыроды, назірання і захавання пералётных птушак. Сёлета кампанія праходзіць пад лозунгам «Як быць добрым птушкаром?» Яна працягнецца з 1 сакавіка па 1 ліпеня 2020 года.

Надзея НІКАЛАЕВА.

Фота Мікалая Вараб’я

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.