Вы тут

Назіральнікі: Выбары прайшлі строга ў адпаведнасці з заканадаўствам


Грамадскія арганізацыі і палітычныя партыі Беларусі, якія вылучылі сваіх назіральнікаў на выбары, заявілі, што выбары адбыліся строга ў адпаведнасці з заканадаўствам, паведамляе БЕЛТА.


“9 жніўня завяршылася выбарчая кампанія па выбарах Прэзідэнта Рэспублікі Беларусь. Прадстаўнікі нашых грамадскіх аб’яднанняў і палітычных партый на працягу ўсіх дзён галасавання вялі назіранне на кожным без выключэння выбарчым участку. Звыш за 30 тысяч нашых актывістаў, а гэта абсалютная большасць ад усіх акрэдытаваных на выбарах назіральнікаў, заяўляюць: выбары прайшлі строга ў адпаведнасці з заканадаўствам Рэспублікі Беларусь. Нашы назіральнікі адсочвалі ўсе працэсы – ад адкрыцця ўчасткаў, апячатвання скрыняў да падліку галасоў”, – адзначана ў заяве партый і грамадскіх аб’яднанняў.

Падкрэсліваецца, што істотных парушэнняў, якія маглі б паўплываць на вынікі выбараў, не зафіксавана. А кожны грамадзянін меў магчымасць свабодна і без перашкод аддаць голас за свайго кандыдата.

“Разам з тым пэўныя палітычныя сілы, якія таксама вылучалі сваіх назіральнікаў, мэтанакіравана скажалі інфармацыю пра ход галасавання, ды і ўсёй выбарчай кампаніі ў цэлым. Намерана ішлі на правакацыі, пагражалі грамадзянам і членам выбарчых кампаній. Пагрозы, знявагі і хамства былі для іх нормай. І нашы прадстаўнікі штодня фіксавалі дзясяткі парушэнняў норм заканадаўства з іх боку. Відавочна, што ўсе гэтыя дзеянні – звёны аднаго ланцуга, скіраванага на дэстабілізацыю абстаноўкі ў краіне і дыскрэдытацыю выбараў. Зрабіць гэта ім не ўдалося”, – сказана ў тэксце заявы.

“Мы заяўляем: палітычная кампанія, якая прайшла, адбылася дакладна ў адпаведнасці з Выбарчым кодэксам. Вынікі галасавання пацвярджаюць выбар грамадзян нашай краіны і не падлягаюць сумненню”, – адзначана ў заяве.

Выбар рэдакцыі

Спорт

Чым жыве баранавіцкі хакей на траве і чаго яму не хапае для поўнага шчасця

Чым жыве баранавіцкі хакей на траве і чаго яму не хапае для поўнага шчасця

Баранавічы славяцца не толькі чыгункай, авіязаводам і шматлікімі прадпрыемствамі, але і хакеем на траве.

Грамадства

Чаму ў гэтым эпідсезоне варта абавязкова прышчапіцца?

Чаму ў гэтым эпідсезоне варта абавязкова прышчапіцца?

Масавая кампанія па вакцынацыі ад грыпу распачата сёлета ў краіне з сярэдзіны верасня.