Вы тут

Натхнёныя прыродай


Паказы этычнай моды, прымеркаваныя да свята Купалля, выйшлі на гэты раз за межы подыума. Сусветныя дызайнеры ўсё часцей звяртаюцца да натуральных матэрыялаў. Такога ж падыходу — мода павінна быць экалагічнай, свядомай і адказнай — прытрымліваюцца і шматлікія беларускія брэнды. У паказах Ethnical Fashion Show майстрам удалося зашыфраваць нацыянальныя матывы роднага краю.

Ва ўмовах пандэміі каранавірусу Беларуская палата моды абмежавала спіс гасцей і колькасць дызайнераў, якія прадстаўлялі калекцыі. Ethical Fashion Show атрымалася ўтульным і камерным. Летнім вечарам пад адкрытым небам гасцей здзіўлялі Паліна Воранава і Ларыса Атаманава, Наталля Кастрама, Ірына Ромбак.

Спачатку мы ўбачылі калекцыю з шэкспіраўскай назвай «Сон у летнюю ноч» ад творчага тандэму Паліны Воранавай і Ларысы Атаманавай, заснавальніц брэнда «Historia Naturalis». Стракатыя ўзоры на адзенні нібы намалявала сама прырода. Дарэчы, дызайнеркі выкарыстоўвалі тканіну, якую распрацавалі і вырабілі на Аршанскім ільнокамбінаце.

Наталля Кастрама прадставіла калекцыю «Калыханка» ў сваёй фірмовай тэхніцы з выкарыстаннем ручнога шыцця і лямцавага дэкору. У якасці мадэлей па зялёнай траве хадзілі не толькі дзяўчаты, але і жанчыны элегантнага ўзросту. Ніякіх шаблонаў і абмежаванняў. Толькі натуральная прыгажосць і любоў да сябе.

Дэбютавала на купальскім паказе Арына Ромбак з калекцыяй «Васільковая». Маладая дызайнерка ўдала сумясціла класічныя французскія сілуэты з элементамі беларускай культуры. Блакітныя валошкі на чорнай тканіне выглядалі элегантна і вытанчана.

Свабодныя сілуэты, якія не скоўваюць рухі, натуральныя тканіны і рамантычныя вобразы дазваляюць забыцца пра строгія правілы, быць у гармоніі з прыродай і сабой і знаходзіць натхненне ў навакольнага свету.

Яніна Ганчарова, кіраўнік РГА «Беларуская палата моды»:

Усе калекцыі былі звязаны адной тэмай: Купалле. Такое творчае заданне атрымалі дызайнеры, што адгукнуліся на нашу прапанову. Свята моды атрымалася! Адважыцца на летняе дэфіле было няпроста з улікам эканамічнай сітуацыі. Вялікі дзякуй нашым партнёрам «Dove» і «velo», а таксама нашым сябрам — вядучым мадэлям, візажыстам і цырульнікам, і ўсім неабыякавым людзям за падтрымку і дапамогу.

Яніна КУРЫЛОВІЧ

Выбар рэдакцыі

Грамадства

Распачынаецца сезон атракцыёнаў. Хто і як сочыць за іх станам?

Распачынаецца сезон атракцыёнаў. Хто і як сочыць за іх станам?

У Беларусі адпрацавала 65 % атракцыёнаў (160 штук), а многія працуюць і звыш 30 гадоў.

Эканоміка

Як выбраць кватэру на другасным рынку

Як выбраць кватэру на другасным рынку

За апошнія некалькі месяцаў рынак другаснага жылля прыкметна ажывіўся. 

Грамадства

Каб набываць тавар бяспечна, ці Як абараніць правы спажыўца

Каб набываць тавар бяспечна, ці Як абараніць правы спажыўца

У краіне на 11 % знізілася агульная колькасць зваротаў грамадзян, звязаных з парушэннем правоў спажыўцоў. 

Грамадства

У Беларусі даследуюць вакцыну супраць раку

У Беларусі даследуюць вакцыну супраць раку

Працягваецца навуковае даследаванне ДНК-вакцыны супраць раку ў рамках беларуска-амерыканскага праекта.