Вы тут

Зялёнае святло для ініцыятывы


Пасяджэнне нацыянальных дзелавых саветаў адбылося на пляцоўцы Беларускай гандлёва-прамысловай палаты. У сустрэчы ўдзельнічалі прадстаўнікі ўсіх беларускіх рэгіёнаў, а таксама Самарскай, Бранскай, Саратаўскай абласцей Расіі, кіраўнікі шэрагу буйнейшых прадпрыемстваў.


— Вельмі важна бачыць і вырашаць канкрэтныя праблемы, з якімі сутыкаюцца прадпрыемствы нашых краін, — заявіў старшыня Беларускай гандлёва-прамысловай палаты Уладзімір Улаховіч. — Відавочна, што ўсё адным махам вырашыць нельга. Аднак праца дзелавых саветаў дазваляе абмяркоўваць праблемы, якія ідуць ад зямлі, маюць самы што ні на ёсць прыкладны і канкрэтны характар.

У мінулым годзе на форуме ў Санкт-Пецярбургу былі паднятыя пытанні абмежаванняў, якія ўзнікаюць для беларускіх прадпрыемстваў у выніку прынятых расійскім урадам пастаноў па крытэрыях вырабу ў РФ прадукцыі, маркіроўкі тавараў. Сёння па гэтых пытаннях ідзе канкрэтная праца на карысць беларускага бізнесу. Ёсць зрухі і па зняцці бар’ераў, якія ўзнікаюць перад беларускімі прадпрыемствамі падчас ўдзелу ў РФ у дзяржзакупках — некалькі дзясяткаў нашых суб’ектаў гаспадарання ўжо трапілі ў адпаведны расійскі рэестр. Шэраг праблем быў разгледжаны і на цяперашнім сумесным пасяджэнні дзелавых саветаў Беларусі і Расіі.

— Гэта пытанні абмежаванняў і выключэнняў, прызнання лічбавага подпісу, банкаўскіх гарантый, прамысловай кааперацыі, цыфравізацыі эканомікі, — пералічвае Уладзімір Улаховіч.

І вельмі важны момант — прасоўванне сумесна вырабленай прадукцыі на рынках трэціх краін, што стане сур’ёзнай праверкай прамкааперацыі і дзелавога ўзаемадзеяння. Па гэтых напрамках будуць падрыхтаваныя рэкамендацыі для дзяржаўных органаў дзвюх краін.

У цэлым, адзначалася на сумесным пасяджэнні, дзелавыя саветы скіраваны на тое, каб пераадолець некаторае запавольванне ўзаемных таварапатокаў, выкліканае пандэміяй, і да канца года выйсці на станоўчую дынаміку. Гэтаму будзе спрыяць і заключэнне ўзаемавыгадных кантрактаў па выніках VІІ Форуму рэгіёнаў Беларусі і Расіі.

Аляксандр Піменаў

 

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.