Вы тут

Паведамленне пра зборы ад Мінабароны аказалася несапраўдным


Учора ваеннаабавязаныя пачалі атрымліваць на электронныя скрыні паведамленне ад імя Мінабароны, дзе было сказана прыбыць у чацвер у ваенкаматы па месцы жыхарства з пакетам дакументаў (ваенным білетам, пашпартам і нават вадзіцельскім пасведчаннем) для атрымання мабілізацыйнага прадпісання. Зразумела, усё гэта выклікала пэўны рэзананс.


Трывога аказалася беспадстаўнай, паколькі «паведамленне аб яўцы ў ваенкамат, якое рассылаецца ад імя ваеннага ведамства, з'яўляецца фэйкам». Такую інфармацыю Міністэрства абароны размясціла ў сваім Telegram-канале.

«Паведамленне аб яўцы ў ваенкамат, якое рассылаецца па электроннай пошце (з адраса іnfo.mіl.by@yandex.by) ад імя ваеннага ведамства, не з'яўляецца сапраўдным. Адрас не належыць ваеннаму ведамству. Абавязкі грамадзян па выкананні вайсковага абавязку выкладзены ў законе «Аб вайсковым абавязку і вайсковай службе», а не ў законе, згаданым у фэйкавым паведамленні», — адзначылі ў Мінабароны.

У мэтах выканання воінскага абавязку грамадзян выклікаюць у ваенны камісарыят або іншы орган, які ажыццяўляе вайсковы ўлік, толькі персанальнымі павесткамі, у якіх паказваецца не тэлефон даверу дзяржорганаў, а тэлефон службовай асобы органа, які выклікае грамадзяніна. «Калі ў вас узнікаюць пытанні, калі ласка, звяртайцеся па
растлумачэнне ў ваенкамат па месцы жыхарства», — дадалі ў ведамстве.

Загаловак у газеце: Фэйкавыя зборы

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.