Вы тут

Больш за 8 тысяч прапаноў па развіцці краіны паступіла на дыялогавых пляцоўках


Рабочая група рэспубліканскага аргкамітэта па падрыхтоўцы шостага Усебеларускага народнага сходу прыступіла да абагульнення прапаноў, якія паступаюць у ходзе грамадскага абмеркавання актуальных пытанняў далейшага развіцця краіны. Пра гэта БелТА паведаміў намеснік кіраўніка Адміністрацыі Прэзідэнта, кіраўнік рабочай групы Андрэй Кунцэвіч.


Фота БЕЛТА

Збор і выпрацоўка такіх прапаноў працягваецца ў рамках рэгіянальных дыялогавых пляцовак, грамадскіх прыёмных, дэпутацкіх сустрэч, прамых ліній і прыёмаў грамадзян у мясцовых органах улады.

«Рэгіянальны ўзровень абмеркавання дазваляе ўзнімаць сапраўды надзённыя і важныя для людзей тэмы, дапамагае фарміраваць стратэгічныя прыярытэты на доўгатэрміновую перспектыву. На розных пляцоўках ужо ўнесена больш за восем тысяч прапаноў, якія датычацца як сацыяльна-эканамічнага, так і грамадска-палітычнага развіцця краіны. Больш за палову з іх паступілі ў Палату прадстаўнікоў Нацыянальнага сходу», — адзначыў Андрэй Кунцэвіч.

Акрамя таго, рабочая група прапанавала далучыцца да гэтай работы і ўнесці свае прапановы ўсім палітычным партыям і вядучым грамадскім аб'яднанням, якія прытрымліваюцца розных палітычных пазіцый. «Мяркую, што разгорнутая кампанія з удзелам шырокага кола экспертаў, спецыялістаў і проста неабыякавых і актыўных грамадзян, дазволіць правесці якасную падрыхтоўку да шостага Усебеларускага сходу і прапанаваць народу тую стратэгію дзяржаўнага будаўніцтва, якая будзе адпавядаць сённяшнім запытам грамадства і забяспечыць далейшае развіццё краіны, умацаванне яе суверэнітэту», — дадаў намеснік кіраўніка Адміністрацыі Прэзідэнта.

Выбар рэдакцыі

Грамадства

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Апошняя цыгарэта. Неасцярожнае абыходжанне з агнём пагражае сур'ёзнымі наступствамі

Летась у краіне адбылося 5958 пажараў, на якіх загінулі 627 чалавек.

Здароўе

Мароз і сэрца: што такое халадовы інфаркт, каму ён пагражае і як яго пазбегнуць?

Мароз і сэрца: што такое халадовы інфаркт, каму ён пагражае і як яго пазбегнуць?

Расказала ўрач-тэрапеўт, загадчык аддзялення прафілактыкі 11-й гарадской паліклінікі Мінска Святлана ЯНУШКА.

Спорт

Алег Шэпель: Сусветны паралiмпiйскi рух многае страцiў ад нашай iзаляцыi

Алег Шэпель: Сусветны паралiмпiйскi рух многае страцiў ад нашай iзаляцыi

Гiсторыя паралiмпiйскага спорту — паказчык развiцця краiны.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​