У Пінскім раёне пад коламі аўтамабіля загінула жанчына

У Пінскім раёне пад коламі аўтамабіля загінула жанчына. Пра гэта БЕЛТА паведамілі ў МУС.

Паводле папярэдняй інфармацыі, 27 лістапада ў 20:20 68-гадовы кіроўца аўтамабіля «Таёта Лэнд Крузер 150» на 81-м км аўтадарогі Р-6 Івацэвічы — Пінск — Столін здзейсніў наезд на 68-гадовую жанчыну (на ёй не было флікераў). Яна пераходзіла дарогу па-за пешаходным пераходам справа налева па ходзе руху аўтамабіля, — распавялі ў МУС.

Праз некалькі гадзін пенсіянерка памерла ў бальніцы. Следчымі будзе дадзеная прававая ацэнка дзеянням удзельнікаў ДТЗ.

Прэв’ю: БЕЛТА