Конкурс «Хатка для птушак» у першы дзень вясны абвясціў магілёўскі парк у Падніколлі. Лепшым будаўнікам шпакоўняў уручаць грашовыя прызы і дыпломы, паведамілі на сайце тэлерыдыёкампаніі «Магілёў».
Удзельнікамі могуць стаць жыхары абласнога цэнтра любога ўзросту. Для гэтага трэба сваімі рукамі змайстраваць для птушак экалагічны домік і на працягу сакавіка падаць яго на суд журы, паведаміў начальнік участка парку ў Падніколле Юрый Макацарыя.
Шпакоўні будуць ацэньваць па некалькіх крытэрыях: функцыянальнасць, акуратнасць выканання, мастацка-эстэтычнае ўспрыманне і арыгінальнасць творчага рашэння. А яшчэ домік павінен адказваць стандартам жылля для птушак: матэрыял вырабу — драўніна лісцяных парод. Дапускаецца ўпрыгожванне дэкаратыўнымі элементамі. Гатовы домік павінен мець усе неабходныя прыстасаванні, каб яго можна было надзейна замацаваць на дрэве пры дапамозе вяровак.
1 красавіка — у Міжнародны дзень птушак — падвядуць вынікі конкурсу «Хатка для птушак» і арганізуюць выставу работ на цэнтральнай алеі. Пасля шпакоўні размесцяць на тэрыторыі парку.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?