Склад зборнай Беларусі, якая працягвае падрыхтоўку да чэмпіянату свету — 2021, папоўнілі пяць хакеістаў. Такая інфармацыя змяшчаецца на афіцыйным сайце Федэрацыі хакея Беларусі.
Да нацыянальнай камандзе далучыліся форварды Сяргей Дрозд, Станіслаў Лапачук, Міхаіл Стэфановіч, Яўген Аксенцюк (усе — «Юнацтва-Мінск») і Франсіс Парэ («Дынама-Мінск»).
На наступным тыдні зборная Беларусі адправіцца ў Будапешт, дзе правядзе два таварыскія матчы. 16 красавіка падапечныя Міхаіла Захарава згуляюць супраць каманды Аўстрыі, а на наступны дзень ім будуць супрацьстаяць хакеісты зборнай Венгрыі.
Таксама на красавік запланаваны два спарынгі з камандай Расіі, якія пройдуць у Маскве на «ВТБ-Арэне».
Чэмпіянат свету па хакеі — 2021 адбудзецца ў сталіцы Латвіі, Рызе, з 21 мая па 6 чэрвеня.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
