Яе арганізатарамі сталі Магілёўскі абласны мастацкі музей ім. П.В. Масленікава і Бабруйская гарадская дзіцяча-юнацкая ўзорная студыя выяўленчага мастацтва «Вясёлка».
Выстава юных мастакоў Беларусі і Расіі «Нашчадкі Вялікай Перамогі» прысвечаная 80-годдзю пачатку Вялікай Айчыннай вайны. Яна праводзіцца ў рамках міжнароднага праекта «Свет без межаў». Гэты праект аб’ядноўвае юных мастакоў з Бабруйска і іх равеснікаў з Карсунскай дзіцячай школы мастацтваў імя Аркадзя Пластова, што ў Ульянаўску. Аўтарам і каардынатарам праекта з’яўляецца ўраджэнец Бабруйска Ігар Моцін.
Праект задуманы з мэтай заахвоціць дзяцей задумацца пра іх ролю ў сям’і і жыцці, пра бесперапынную сувязь часоў і пакаленняў. «Менавіта гэтыя пачуцці фарміруюць грамадзянскую адказнасць і свядомасць», — удакладняюць арганізатары выставы.
На выставе прадстаўлена 60 жывапісных і графічных работ па матывах прачытаных кніг пра вайну, расказаў ветэранаў, кінафільмаў, сямейных гісторый. Выстава будзе экспанавацца ў Магілёўскім абласным мастацкім музеі імя П.Масленікава да 22 чэрвеня. Падчас закрыцця ўдзельнікам будуць уручаны дыпломы.
Нэлі ЗІГУЛЯ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
