Вы тут

Цэнтр сучасных методык у дашкольнай адукацыі адкрыўся ў БДПУ


У ім акумулявана больш як 180 найменняў сучасных сродкаў навучання і ігравога абсталявання, прызначанага для ўсебаковага развіцця дзяцей ранняга і дашкольнага ўзросту. Гэта матэрыялы адукацыйных модуляў STEAM-адукацыі для дашкольнікаў: «Эксперыментаванне з жывой і нежывой прыродай», «LEGO-канструяванне», «Матэматычнае развіццё», «Робататэхніка», «Мультыстудыя «Я ствараю свет» і іншыя.


pixabay.com

Яны дазваляюць вырашаць разнастайныя задачы развіцця дзяцей на аснове міждысцыплінарнага і прыкладнога падыходаў. А інтэрактыўная пясочніца ў спалучэнні з інтэрактыўным сталом стварае магчымасці для выкарыстання як навучальных праграм, так і забаўляльных матэрыялаў.

Багата сродкаў для эстэтычнага і творчага развіцця дзяцей у «Творчай майстэрні»: гэта розныя віды тэатра (пальчыкавы, пальчаткавы, ценявы, магнітны), музычныя гульні і цацкі, дзіцячыя музычныя інструменты розных народаў свету. Ёсць магчымасць для пескаграфіі і малявання на вадзе ў тэхніцы эбру.

Таксама значная ўвага ўдзелена сэнсарнаму развіццю дзяцей ранняга ўзросту (уключаючы матэрыялы методыкі Марыі Мантэсоры), фізічнаму развіццю (для гэтых мэт набыта фізкультурна-спартыўнае абсталяванне, балансіры і нейратрэнажоры).

Сродкі навучання ў поўнай меры будуць выкарыстаны ў падрыхтоўцы студэнтаў па спецыяльнасці «Дашкольная адукацыя», пры правядзенні навучальных курсаў для педработнікаў, навучання бацькоў дзяцей дашкольнага ўзросту як у афлайн-рэжыме, так і з выкарыстаннем магчымасцяў сайта цэнтра.

Сайт інтэгруе разнастайныя інфармацыйна-камунікацыйныя рэсурсы цэнтра, на ім створаны магчымасці для дзейнасці сеткавай супольнасці ўстаноў дашкольнай адукацыі нашай і замежных краін.

Цэнтр створаны па ініцыятыве Міністэрства адукацыі і пры падтрымцы Прадстаўніцтва Дзіцячага фонду ААН (ЮНІСЕФ) у Рэспубліцы Беларусь.

Надзея НІКАЛАЕВА

Загаловак у газеце: Пескаграфія і мультыстудыя

Выбар рэдакцыі

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах. 

Грамадства

Ва ўстановах адукацыі чакаюць сваіх абітурыентаў

Ва ўстановах адукацыі чакаюць сваіх абітурыентаў

Вызначыцца з выбарам прафесіі і месцам навучання можна да 7 жніўня ўключна.

Спорт

«Максім сказаў і зрабіў». Бацькі і трэнеры пра алімпійскі поспех Максіма Недасекава

«Максім сказаў і зрабіў». Бацькі і трэнеры пра алімпійскі поспех Максіма Недасекава

У сераду ў Мінск вярнуўся бронзавы прызёр Алімпійскіх гульняў у скачках у вышыню Максім Недасекаў.

Грамадства

Рэгістрацыйныя карткі для таксістаў

Рэгістрацыйныя карткі для таксістаў

А яшчэ нармальны рабочы дзень, адпачынак і права на «бальнічны»...