Вы тут

Ёміста і яскрава


Упершыню ў нашай краіне праводзіцца Рэспубліканскі конкурс сацыяльнай рэкламы «Пазнай Беларусь», мэта якога — папулярызацыя ўнутранага турызму. Арганізатарам з’яўляецца Нацыянальнае агенцтва па турызме пры падтрымцы Міністэрства спорту і турызму, Міністэрства інфармацыі, Міністэрства культуры і Міністэрства адукацыі.


Конкурс «Пазнай Беларусь» праводзіцца ў трох намінацыях. Удзельнікам катэгорыі «слоган» трэба прапанаваць ёмісты, яскравы, эмацыянальны выраз, які характарызуе Беларусь. Журы будзе звяртаць увагу на лаканічнасць: выраз павінен складацца з двух-сямі слоў — так ён будзе больш запамінальны. Для тых, хто бачыць Беларусь у вобразах і захапляецца яе краявідамі, вылучана намінацыя «Плакат». Яшчэ адна намінацыя — «Відэаролік», удзельнікам якой трэба зняць міні-фільм пра Беларусь і паказаць краіну з яе асаблівасцямі, цікавымі людзьмі, прыгожымі мясцінамі. Арганізатары папярэджваюць, што важна вытрымаць хронаметраж. Зняць відэаролікі можна ў двух фарматах: тэлевізійным — 30 секунд, пашыраным — не больш за дзве хвіліны. Аб’яднаныя погляды на родную краіну ад кожнага ўдзельніка конкурсу складуць цэлую карціну Беларусі, непаўторную і цікавую для ўсіх, лічаць стваральнікі конкурсу.

Да ўдзелу запрашаюцца грамадзяне ўсіх узростаў, прафесій і заняткаў. Работы на беларускай і рускай мовах (замежная мова таксама можа выкарыстоўвацца, але пры ўмове, што тэкст адпавядае па змесце і афармленні інфармацыі на адной з дзяржаўных моў) трэба дасылаць на электронную пошту іnfo@belarustourіsm.by з пазнакай «#ПознайБеларусь». Да 1 верасня прымаюцца заяўкі і ствараецца журы з дасведчаных спецыялістаў. Затым з 6 да 24 верасня будзе праводзіцца аналіз і ацэнка конкурсных работ, пачнецца падвядзенне вынікаў.

27 верасня лаўрэаты і дыпламанты рэспубліканскага конкурсу сацыяльнай рэкламы «Пазнай Беларусь» стануць вядомыя публіцы і ва ўрачыстай атмасферы атрымаюць прызы.

Яўгенія ШЫЦЬКА

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем’і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.