За 8 месяцаў бягучага года на дарогах вобласці зарэгістравана 234 аварыі, у якіх 52 чалавекі загінулі і 251 атрымаў раненні. У верасні ўжо адбылося 20 аварый, тры з якіх — перакульванне, тры здзейснены па прычыне выезду на паласу сустрэчнага руху і парушэнні правілаў абгону, чатыры наезды на перашкоды і тры наезды на пешаходаў. Шэсць чалавек загінулі, 16 — параненыя, паведамляе УУС Віцебскага аблвыканкама.
У рамках мерапрыемства супрацоўнікі ДАІ будуць пераведзены на ўзмоцнены варыянт нясення службы з 24 па 26 верасня.
Інспектары правядуць адпрацоўку асноўных аўтадарог вобласці ў рэжыме змешанага кантролю па папярэджанні парушэнняў ПДР, звязаных з выездам на паласу сустрэчнага руху і перавышэннем хуткасных рэжымаў. Таксама работа будзе накіравана на недапушчэнне кіравання транспартнымі сродкамі нецвярозымі вадзіцелямі. Што датычыцца пешаходаў, то супрацоўнікі ДАІ будуць звяртаць увагу на іх фізічны стан, а таксама на наяўнасць святлоадбівальных элементаў у цёмны час сутак.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
