У аварыі, якая здарылася сёння на пр.Незалежнасці ў сталіцы, траўмы атрымалі веласіпедыст і дзіця, паведамілі ва УДАІ ДУУС Мінгарвыканкама.
Аварыя здарылася прыкладна ў 17.50 у раёне Нацыянальнай бібліятэкі. «Па папярэдняй інфармацыі, 30-гадовы вадзіцель аўтамабіля „Форд“ рухаўся па пр.Незалежнасці з боку вул.Каліноўскага ў напрамку вул.Валгаградскай. Праязджаючы рэгулюемы пешаходны пераход паблізу дома № 116 на забараняльны сігнал святлафора, ён учыніў наезд на 24-гадовага веласіпедыста, а таксама на 3-гадовую дзяўчынку, якая знаходзілася ў дзіцячай калясцы. Мама дзіцяці не пацярпела», — удакладнілі ў Дзяржаўтаінспекцыі.
Вядома, што пешаходы ў момант ДТЗ перасякалі дарогу па рэгуляваным пераходзе на зялёнае святло.
У выніку наезду дзіця і веласіпедыст атрымалі траўмы рознай ступені цяжкасці і былі шпіталізаваны ў медыцынскую ўстанову.
Па факце аварыі праводзіцца дадатковая праверка.
Што за таемнымі дзвярыма?