Вы тут

Галоўчанка: Плануем стварыць у Баранавічах індустрыяльную зону з усімі камунікацыямі


У Баранавічах плануецца стварыць індустрыяльную зону з усімі неабходнымі камунікацыямі. Аб гэтым заявіў сёння журналістам прэм’ер-міністр Беларусі Раман Галоўчанка, перадае БелТА.


Фота: БелТА

Учора на пасяджэнні Савета Міністраў пад старшынствам кіраўніка дзяржавы ўзнімалася тэма развіцця вытворчасцей у рэгіёнах. «Мы прааналізавалі, у чым праблемы ў развіцці рэгіёнаў з пункту гледжання прыцягнення інвестыцый у прамысловую вытворчасць. Прадпрымальных людзей шмат, і пытанне аказалася не столькі ў грошах — пад развіццё малога і сярэдняга прадпрымальніцтва зараз вельмі прывабныя крэдытныя прадукты. Праблема глыбей. Не так шмат месцаў, каб прыйсці, размясціцца і пачаць працаваць. У многіх выпадках прапанаваныя пляцоўкі маюць пэўныя недахопы. Дзесьці недастаткова энергетычных магутнасцяў, і прадпрымальнік не можа сабе дазволіць працаваць на гэтай пляцоўцы, бо яна патрабуе сур’ёзных выдаткаў, якія наўпрост не адносяцца да яго бізнесу», — адзначыў Раман Галоўчанка.

Ён звярнуў увагу, што дзяржаве таксама невыгодна да аднаго аб’екта цягнуць лінію электраперадачы або будаваць падстанцыю. «Таму вырашылі пайсці іншым шляхам. Дзяржава ўкладзецца ў стварэнне спецыяльнай пляцоўкі з усімі неабходнымі камунікацыямі: вада, электраэнергія, газ, ачышчальныя збудаванні. Фактычна гэта будзе чыстая пляцоўка, куды чалавек зможа прыйсці са сваім абсталяваннем і пачаць адразу працаваць. Гэта важна, бо нават узгадненне праектнай дакументацыі на падвод займае дастаткова шмат часу. І гэтую пляцоўку зробім прывабнай за кошт стварэння там асаблівага рэжыму. Гэта будзе нейкі аналаг Кітайска-беларускага індустрыяльнага парку „Вялікі камень“, толькі для беларускіх прадпрымальнікаў. Словам, невялікая індустрыяльная зона», — расказаў прэм’ер-міністр.

Такі праект плануецца рэалізаваць у Баранавічах. «Мы зараз актыўна вывучаем вопыт суседніх краін. Магчыма, усё гэта будзе рабіць нават не дзяржава. Нямала прыкладаў дзяржаўна-прыватнага партнёрства, калі камунікацыямі займаецца інвестар, які потым здае абсталяваныя месцы ў арэнду прадпрымальнікам», — дадаў кіраўнік урада.

Выбар рэдакцыі

Грамадства

Дапамогуць бружмель і бацвінне. Якія прадукты варта дадаць у рацыён цяпер, каб умацаваць імунітэт да зімы?

Дапамогуць бружмель і бацвінне. Якія прадукты варта дадаць у рацыён цяпер, каб умацаваць імунітэт да зімы?

Сёння даказана, што лісце морквы, радыскі, рэпы і буракоў карыснае не менш за караняплоды.

Грамадства

Ваша дзіця піша вершы? Абавязкова растлумачце яму пра інтэлектуальную ўласнасць

Ваша дзіця піша вершы? Абавязкова растлумачце яму пра інтэлектуальную ўласнасць

Якія перавагі можа прынесці дзецям інтэлектуальная ўласнасць, расказалі ў НЦІУ.

Грамадства

Вогненныя вёскі. Нельга забыць. Кожны трэці Докшыцкага краю

Вогненныя вёскі. Нельга забыць. Кожны трэці Докшыцкага краю

Сёстры Хатыні... Колькі іх на тэрыторыі Беларусі? Гэту лічбу даследчыкі дакладна не могуць вывесці і сёння.