Шырокая грашовая маса ў Беларусі за ліпень знізілася на 0,1 працэнта

Шырокая грашовая маса ў Беларусі, якая ўключае наяўныя грошы ў абарачэнні, сродкі насельніцтва і прадпрыемстваў на рахунках у банках, на 1 жніўня склала Br53,851 млрд і знізілася ў параўнанні з паказчыкам на 1 ліпеня на 0,1 працэнта. Аб гэтым паведамляе БелТА са спасылкай на даныя Нацыянальнага банка.

Аб’ём наяўных грошай у абароце за ліпень павялічыўся да Br6,008 млрд (на 2,9 працэнта).

Пераводныя дэпазіты павялічыліся на 0,5 працэнта — да Br7,658 млрд.

Грашовая маса ў нацыянальным вызначэнні склалася на ўзроўні Br24,778 млрд і знізілася за ліпень на 1 працэнт.

Аб’ём каштоўных папер, выпушчаных банкамі (па-за банкаўскім абаротам) у нацыянальнай валюце, за ліпень павялічыўся да Br1,632 млрд (на 2,9 працэнта).

Рублёвая грашовая маса знізілася за мінулы месяц на 0,6 працэнта і на 1 жніўня склала Br26,410 млрд.

Дэпазіты ў замежнай валюце павялічыліся на 0,9 працэнта і склалі Br26,547 млрд.

Прэв’ю: БелТА