Пасажырскі аўтобус трапіў пад сход апоўзня на захадзе Калумбіі

На захадзе Калумбіі пасажырскі аўтобус трапіў пад сход апоўзня, загінулі не менш за дзевяць чалавек, столькі ж пацярпелі, паведамляе ТАСС.

Інцыдэнт адбыўся 4 снежня ў дэпартаменце Рысаральда. Аўтобус ішоў па дарозе ў муніцыпалітэце Пуэбло-Рыка. Вядома, што на аўтобус было прададзена 25 квіткоў. Улады не выключаюць, што ўнутры магло быць больш пасажыраў.

Як паведаміў губернатар дэпартамента Віктар Тамаё, ратавальнікі агледзелі месца здарэння з сабакамі і прыйшлі да высновы, што ўнутры транспартнага сродку не засталося тых, хто выжыў.

Прэв’ю: pixabay.com