Сі Цзіньпін: Варта адкрываць новыя «гоначныя трасы» ў развіцці

Старшыня КНР Сі Цзіньпін падкрэсліў, што высакаякаснае развіццё з’яўляецца першараднай задачай усебаковага будаўніцтва мадэрнізаванай сацыялістычнай дзяржавы. Сі Цзіньпін, які з’яўляецца таксама генеральным сакратаром ЦК КПК і старшынёй Цэнтральнага ваеннага савета, зрабіў гэтую заяву падчас удзелу ў дыскусіі з дэлегацыяй правінцыі Цзянсу ў рамках 1-й сесіі Усекітайскага сходу народных прадстаўнікоў 14-га склікання, якая праходзіць у Пекіне, перадае «Жэньмінь жыбаа» анлайн».

Старшыня КНР адзначыў, што неабходна прыкладаць намаганні для поўнага, дакладнага і ўсебаковага ажыццяўлення новай канцэпцыі развіцця і лепшай каардынацыі эфектыўнага павышэння якасці эканомікі і рацыянальнага росту яе аб’ёму. Сі Цзіньпін заявіў, што неабходна непахісна паглыбляць рэформы і адкрытасць, паглыблена трансфармаваць мадэль развіцця, а таксама паскараць фарміраванне ўстойлівых інстытутаў і механізмаў высакаякаснага развіцця.

Развіццё Кітая павінна садзейнічаць умацаванню пачуцця здабыцця, пачуцця шчасця і пачуцця абароненасці ў людзей. Сі Цзіньпін адзначыў, што паскарэнне працэсу ўмацавання ўласнага патэнцыялу ў галіне навукі і тэхнікі на высокім узроўні — гэта непазбежны шлях да пашырэння высакаякаснага развіцця. Паводле яго слоў, каб адкрываць новыя вобласці і новыя «гоначныя трасы» ў развіцці, а таксама выяўляць новыя драйверы росту і новыя перавагі ва ўмовах жорсткай міжнароднай канкурэнцыі, Кітай павінен па-ранейшаму спадзявацца на навукова-тэхналагічныя інавацыі.Ад таго ці зможам мы ў тэрмін усебакова пабудаваць мадэрнізаваную сацыялістычную дзяржаву ключавым чынам залежыць ад самастойнасці і самаўдасканалення ў галіне навукі і тэхналогій, дадаў Сі Цзіньпін.

Старшыня КНР заклікаў паскорыць рэалізацыю стратэгіі стымулявання развіцця за кошт інавацый, садзейнічаць паглыбленаму супрацоўніцтву паміж вытворчасцю, адукацыяй і даследаваннямі, а таксама падтрымліваць вядучых вучоных у правядзенні даследаванняў, каб дабіцца навукова-тэхналагічных прарываў і забяспечыць самастойнасць у асноўных галінах і ключавых звёнах.

Неабходна прыкладаць намаганні для стварэння прамысловых навукова-тэхналагічных інавацыйных цэнтраў, якія маюць глабальны ўплыў, і паглыблення рэфармавання навукова-тэхналагічнай сістэмы, сказаў ён дэпутатам УСНП. Паскарэнне фарміравання новай архітэктонікі развіцця — стратэгічная аснова прасоўвання высакаякаснага развіцця, адзначыў Сі Цзіньпін. Ён заклікаў да намаганняў па інтэграцыі стратэгіі пашырэння ўнутранага попыту з намаганнямі па паглыбленні структурнай рэформы ў сферы прапанавання, а таксама да паскарэння мадэрнізацыі прамысловай сістэмы.

Адзначыўшы неабходнасць цвёрда прытрымлівацца таго, каб пунктам прыкладання сілы ў развіцці нацыянальнай эканомікі было развіццё яе рэальнага сектара, Сі Цзіньпін заклікаў паглыблена развіваць індустрыялізацыю новага тыпу, скаардынавана прасоўваць фарміраванне сучаснай інфраструктурнай сістэмы і рыначнай сістэмы высокага стандарту, а таксама пашыраць інстытуцыйную адкрытасць.

Старшыня КНР падкрэсліў, што нарошчванне моцы Кітая ў сферы сельскай гаспадаркі — гэта падмурак мадэрнізаванай сацыялістычнай дзяржавы, а прасоўванне мадэрнізацыі сельскай гаспадаркі — непазбежнае патрабаванне для рэалізацыі высакаякаснага развіцця. Сі Цзіньпін адзначыў, што неабходна належным чынам забяспечваць стабільнасць і бяспеку забеспячэння збожжавых і важных відаў сельгаспрадукцыі. Трэба культываваць і развіваць новыя галіны і формы гаспадарання ў сельскай мясцовасці, а таксама бесперапынна пашыраць каналы росту даходаў і ўзбагачэння сельскага насельніцтва.

Сі Цзіньпін далей заклікаў паскорыць будаўніцтва цудоўнай вёскі, прыдатнай для жыцця і працы. Трэба ўдасканальваць навуку і тэхніку і прасоўваць рэформы з мэтай павышэння дынамікі і жыццяздольнасці развіцця сельскай гаспадаркі і сельскіх раёнаў.

Сі Цзіньпін заўважыў, што шчасце і дабрабыт кітайскага насельніцтва — гэта канчатковая мэта прасоўвання высакаякаснага развіцця. Ён падкрэсліў неабходнасць удасканалення сістэмы базавых грамадскіх паслуг варта прыкладаць намаганні для садзейнічання працаўладкаванню ключавых груп насельніцтва, рэгулявання размеркавання даходаў і аздараўлення сістэмы сацыяльнага забеспячэння і актывізацыі паслуг для пажылых і непаўналетніх.

Старшыня КНР заявіў, што работа па прафілактыцы і кантролі COVID-19 на новым этапе павінна праводзіцца грунтоўна і карпатліва, разам з гэтым адзначыўшы неабходнасць пастаянна ўдасканальваць сістэмы грамадскай аховы здароўя, прафілактыкі і кантролю захворванняў, а таксама медыцынскіх паслуг.