Наваполацк выклікае толькі любоў, падзяку яго жыхарам і адчуванне Радзімы і дома. Пра гэта паведаміла БелТА старшыня Савета Рэспублікі Наталля Качанава.
«Я гэты горад вельмі люблю. Як і Полацк, так і Наваполацк — гэта мой родны горад. Я вырасла з ім, мы амаль аднагодкі. Я заўсёды адчуваю пачуццё радзімы, пачуццё дома, цеплыню ў душы. Кожны раз, калі прыязджаю сюды, адчуваю сябе на сваёй роднай зямлі. Я адчуваю толькі любоў, падзяку да ўсіх, хто тут жыве, працуе, працягвае добрыя і слаўныя традыцыі горада», — сказала Наталля Качанава.
Яна адзначыла, што ў такое свята ў гараджан і гасцей горада выдатны настрой.
«Наваполацк заўсёды адзначае свой дзень нараджэння шырока і маштабна. Сёння навапалачане адчуваюць асаблівы гонар за свой горад, за тое, што яны зрабілі за такі непрацяглы з пункту гледжання гісторыі перыяд — 65 гадоў. Здавалася б, гэта не так шмат, а сёння Наваполацк — гэта прамысловы, адукацыйны, культурны цэнтр нашай краіны і Віцебскай вобласці. Мы ўдзячныя навапалачанам за тое, што яны робяць для свайго горада, для эканомікі краіны. Нізкі паклон усім, хто стаяў ля вытокаў станаўлення гэтага горада і будаўніцтва нафтаперапрацоўчага завода — гэта нашы першабудаўнікі, ветэраны, якімі па праву ганарыцца і горад, і краіна. Яны здзейснілі працоўны подзвіг, пабудаваўшы такі цудоўны горад і найбуйнейшы ў Еўропе нафтахімічны комплекс. Слава нашым працаўнікам, гораду, хай ён прырастае новымі навапалачанамі, якія сапраўды гэтак жа будуць перадаваць гэтыя слаўныя традыцыі з пакалення ў пакаленне», — падкрэсліла старшыня Савета Рэспублікі.
Фота: БелТА
Што за таемнымі дзвярыма?
