Веды і рукі байцоў студатрадаў патрэбныя на ўсіх напрамках. Пра гэта заявіў кіраўнік Адміністрацыі Прэзідэнта Ігар Сергеенка падчас урачыстай цырымоніі афіцыйнага рэспубліканскага адкрыцця трэцяга працоўнага семестра 2023 года на плошчы Дзяржаўнага сцяга ў Мінску, перадае БелТА.
«Гэты год па-свойму асаблівы — Год міру і стваральнай працы, год 60-годдзя студэнцкага будаўнічага руху і 105-годдзя Усесаюзнага Ленінскага Камуністычнага саюза моладзі. Сёння можна з упэўненасцю сказаць, што студатрадаўскі рух — Лепшая старонка ў гісторыі камсамола. Студатрадаўцы Савецкага Саюза – многія прысутнічаюць сёння тут – гэта нястомнае пакаленне рамантыкаў. Хлопцы ехалі працягваць асвойваць цаліну, новыя раёны Заходняй і Усходняй Сібіры, будавалі і ўзводзілі пасёлкі, працавалі на сельскагаспадарчых прадпрыемствах, у 1970-я гады прымалі ўдзел ва ўзвядзенні і рэканструкцыі шэрагу мемарыяльных месцаў, звязаных з гісторыяй Вялікай Айчыннай вайны. Шмат было зроблена гэтым пакаленнем у 1960-я, 1970-я, 1980-я гады, і праца беларускіх студатрадаўцаў у тым ліку адзначана і высокімі дзяржаўнымі ўзнагародамі. Вы сёння працягваеце традыцыі, закладзеныя ў тыя гады», — сказаў Ігар Сергеенка.
У пачатку 2000-х гадоў студтрадаўскі студэнцкі рух адрадзіўся з новай сілай дзякуючы ініцыятыве Кіраўніка дзяржавы і падтрымцы на самым высокім дзяржаўным узроўні, адзначыў кіраўнік Адміністрацыі Прэзідэнта. «І сёння студатрадаўскі рух, напэўна, па сваім размаху і ўдзелу пераўзыходзіць той перыяд, пра які я казаў. Толькі ў гэтым годзе ў вашых шэрагах працуюць і будуць працаваць 43 тыс. юнакоў і дзяўчат. Усяго за 20 гадоў больш за 700 тыс.вашых аднагодкаў працавалі ў шэрагах студэнцкіх атрадаў. Дзясяткі будоўляў можна назваць. Гэта і Рэспубліканская будоўля летась, звязаная з рэканструкцыяй мемарыяла «Хатынь», удзел у будаўніцтве БелАЭС, праца на такіх прадпрыемствах – гігантах, як «Атлант», МАЗ, Трактарны завод, сёлета дадаецца «Гомсельмаш», праца на сельскагаспадарчых прадпрыемствах. Адзін з новых напрамкаў – чыгуначны транспарт, медыцынская сфера. Вашы веды і вашы рукі патрэбныя на ўсіх напрамках», — падкрэсліў ён.
«Я жадаю вам паспяховай працы, каб тыя веды, якія вы атрымалі ў студэнцкіх аўдыторыях, вы замацавалі на практыцы, каб вы набылі там лепшых сяброў на ўсё жыццё, каб гэты час запомніўся вам і было адным з самых цікавых, калі вы станеце ўжо больш дарослымі. Я сёння з радасцю ўспамінаю дні, калі я працаваў у студэнцкіх будаўнічых атрадах, навучаючыся ў Мінску ў адной з ВНУ. Жадаю вам добрага здароўя, цікавых ідэй, рэалізацыі цікавых праектаў і ўсяго самага лепшага ў гэты цудоўны час — у гэтае лета 2023 года», — дадаў Ігар Сергеенка.
Прэв’ю: БелТА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».