Вы тут

У Паднябеснай прапануюць латэ з загусцелым тофу


Латэ з авакада і какосам, з загусцелым тофу, амерыкана з кітайскай слівай умэ, з жэньшэнем, які змяняе колер напою, з водарам ружы і лічы. Усё гэта можна замовіць у кітайскіх кавярнях, перадае «Жэньмінь жыбаа» анлайн».


Некаторыя ўстановы шукаюць натхненне ў кітайскіх рэгіянальных кухнях. Напрыклад, у горадзе Юньчэн правінцыі Шаньсі папулярнасцю карыстаецца амерыкана з карычневым шаньсійскім воцатам. Кававы рынак у Паднябеснай дынамічна развіваецца, ён прыцягвае прадстаўнікоў іншых галін для супрацоўніцтва і стварэння новых прадуктаў. Выдатны таму прыклад — вытворца сродкаў традыцыйнай кітайскай медыцыны, аптэчная сетка «Тунжэньтан», якая выпусціла серыю кававых напояў з аздараўленчым эфектам, у тым ліку латэ з ягадамі годжы і каву з пладамі архата.

Падобная крэатыўнасць стала асноўным напрамкам развіцця кававага рынку Кітая, і ў яе знайшліся як супернікі, так і прыхільнікі. Хтосьці лічыць, што гэта ўсяго толькі рэкламны выкрут, а хтосьці захоўвае да арыгінальнай прадукцыі аб’ектыўнае адкрытае стаўленне. 

Кававая культура займае асаблівае месца ў жыцці Шанхая. Па словах уладальніка адной з тутэйшых кавярняў, такая разнастайнасць напояў магчыма толькі ў тым выпадку, калі ў горадзе вялікая колькасць адпаведных устаноў, шырокае кола аматараў кавы і выгадныя цэны на прадукцыю.

З’яўленне вялікай колькасці арыгінальных кававых напояў адлюстроўвае працэс адаптацыі кавы ў Кітаі, якая з’явілася ў краіне больш чым сто гадоў таму, а цяпер у маленькім кубку змешваюцца кітайская і заходняя культура.

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».