11 жніўня з 10.00 да 13.00 намеснік Старшыні Савета Рэспублікі Валерый Бельскі правядзе асабісты прыём грамадзян, у тым ліку індывідуальных прадпрымальнікаў, іх прадстаўнікоў і прадстаўнікоў юрыдычных асоб.
Прыём пройдзе па адрасе: г. Мінск, вул. Кірава, д. 47.
Асабісты прыём будзе весціся па папярэднім запісе па тэлефоне 8 (017) 328-53-24.
Запіс на прыём ажыццяўляецца таксама шляхам накіравання ў Савет Рэспублікі пісьмовага звароту па адрасе: 220016, г. Мінск, вул. Чырвонаармейская, 9.
Член Пастаяннай камісіі Савета Рэспублікі па заканадаўстве і дзяржаўным будаўніцтве Алег Раманаў узяў удзел у сустрэчы з працоўным калектывам ААТ «Ашчадны банк «Беларусбанк».
Алег Раманаў азнаёміў прысутных з асноўнымі палажэннямі Статута і праграмай Беларускай партыі «Белая Русь», абазначыў задачы, якія з’яўляюцца ключавымі ў дзейнасці партыі. Таксама расказаў аб асноўных этапах фарміравання арганізацыйнай структуры партыі.
Падчас дыялогу ўдзельнікі сустрэчы задавалі пытанні парламентарыю таксама аб дзейнасці аднайменнага рэспубліканскага грамадскага аб’яднання, аб акцыях і праектах, якія праводзяцца.
Намеснік старшыні Пастаяннай камісіі Савета Рэспублікі па адукацыі, навуцы, культуры і сацыяльным развіцці, дырэктар сярэдняй школы № 14 г. Маладзечна Каліна Капуцкая правяла асабісты прыём грамадзян Маладзечна і Маладзечанскага раёна.
Заяўнікі звярнуліся да сенатара з рознымі пытаннямі: добраўпарадкаванне тэрыторыі каля «Сцяны Памяці» на вул. Валынца, аказанне дапамогі ў ацэнцы жылога фонду для наступнай змены ўласніка, добраўпарадкаванне месца рэалізацыі лішкаў сельгаспрадукцыі з асабістых прысядзібных участкаў на вул. Крынічная.
Усе звароты ўзятыя пад асабісты кантроль сенатара.
Член Пастаяннай камісіі Савета Рэспублікі па заканадаўстве і дзяржаўным будаўніцтве, генеральны дырэктар дзяржаўнай установы «Гомельаблпрам» Аляксей Нявераў правёў прамую тэлефонную лінію і асабісты прыём грамадзян.
Да сенатара звярнуліся па пытаннях выканання правілаў гандлю, адсутнасці пэўнага медыцынскага прэпарату ў аптэчнай сетцы Гомеля, адсутнасці электронных інфармацыйных табло на прыпынках грамадскага транспарту (па вул. Інтэрнацыянальнай і прасп. Леніна ў Гомелі), а таксама са скаргай на няякаснае абслугоўванне пасажыраў у маршрутных таксі міжгародніх зносін.
«Усе агучаныя факты будуць дэталёва разгледжаны, па магчымасці акажам усебаковую дапамогу ў вырашэнні ўзнятых праблем, у тым ліку праз прадстаўнікоў мясцовых органаў улады, кампетэнтных службовых асоб», — адзначыў Аляксей Нявераў.
Кожны са зваротаў узяты парламентарыем на асабісты кантроль. Ва ўстаноўленыя заканадаўствам тэрміны грамадзянам будуць дадзены пісьмовыя тлумачэнні.
Паводле прэс-службы Савета Рэспублікі
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.