Кітай значна апярэджвае іншыя краіны па маштабах лічбавай эканомікі, аб’ём якой у 2022 годзе склаў 7,47 трыльёна долараў. Гэта адзначаецца ў дакладзе аб лічбавай эканоміцы Азіі, апублікаваным Бааоскім азіяцкім форумам (БАФ), перадае «Жэньмінь жыбаа» анлайн».
Згодна з дакументам, Японія з 2,37 трыльёна долараў заняла па гэтым паказчыку другое месца ў рэгіёне. Трэці радок застаўся за Рэспублікай Карэя з яе 952,3 млрд. долараў. Аб’ём лічбавай эканомікі ў такіх краінах, як Індыя, Саудаўская Аравія, Сінгапур, Інданэзія, Ізраіль і Малайзія перавысіў адзнаку ў 100 мільярдаў долараў.
«Кітай з’яўляецца адной з краін свету, чыя лічбавая эканоміка мае найбольш спрыяльнае асяроддзе для развіцця, наймацнейшыя тэмпы росту і самыя шырокія магчымасці прымянення», — адзначыў генеральны сакратар БАФ Лі Баадун. Паводле яго слоў, на Цэнтральнай нарадзе па эканамічнай рабоце, было падкрэслена, што трэба прыкладаць больш намаганняў для прасоўвання індустрыялізацыі новага тыпу і развіцця лічбавай эканомікі.
«Можна меркаваць, што лічбавая эканоміка прадоўжыць служыць важнай рухаючай сілай эканамічнага росту Кітая», — рэзюмаваў Лі Баадун.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
