Вы тут

Банк БРІКС выпусціў рэкордную колькасць пяцігадовых панда-аблігацый


Новы банк развіцця (НБР) БРІКС абвясціў аб выпуску пяцігадовых панда-аблігацый на агульную суму 6 мільярдаў юаняў (каля 844,5 млн. долараў) на кітайскім міжбанкаўскім рынку аблігацый, перадае «Сіньхуа».


Гэты выпуск з’яўляецца найбуйнейшай у гісторыі эмісіяй пяцігадовых панда-аблігацый, а таксама першым выпускам панда-бондаў у гэтым годзе, ажыццёўленым шматбаковым банкам развіцця на кітайскім міжбанкаўскім рынку аблігацый. «Паспяховы і найбуйнейшы выпуск у гісторыі пяцігадовых панда-бондаў азначае сабой паваротны момант для НБР. Гэта сведчыць аб моцнай рынкавай прывабнасці нашай місіі і мандата па мабілізацыі рэсурсаў для фінансавання інфраструктуры і ўстойлівага развіцця», — прыводзяцца ў паведамленні прэс-службы банка словы віцэ-прэзідэнта НБР Лэслі Маасдорпа. Паводле яго слоў, гэты выпуск аблігацый не толькі дэманструе вялікую цікавасць інвестараў, але і падкрэслівае іх упэўненасць у стратэгічнай эвалюцыі банка ў вядучага пастаўшчыка рашэнняў у галіне інфраструктуры і ўстойлівага развіцця для рынкаў, што фарміруюцца, і краін, якія развіваюцца. «НБР БРІКС разлічвае на далейшае ўмацаванне сваёй прысутнасці на кітайскім міжбанкаўскім рынку аблігацый, і мы па-ранейшаму маем намер выкарыстоўваць гэты поспех для далейшага садзейнічання ўстойліваму развіццю і эканамічнаму росту ў нашых краінах-членах», — дадаў Лэслі Маасдорп.

Агульная сума выпушчаных НБР панда-бондаў на сённяшні дзень дасягнула 47,5 млрд. юаняў. Новы банк развіцця БРІКС са штаб-кватэрай у Шанхаі быў створаны Бразіліяй, Расіяй, Індыяй, Кітаем і ПАР для мабілізацыі рэсурсаў на інфраструктурныя праекты і праекты ўстойлівага развіцця ў краінах-членах БРІКС, а таксама ў іншых дзяржавах з рынкам, які фарміруецца, і краінах, якія развіваюцца.

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.