Кітай падпісаў пагадненні аб свабодным гандлі з 29 краінамі і рэгіёнамі свету

Па стане на канец студзеня Кітай падпісаў пагадненні аб свабодным гандлі (ПСГ) з 29 краінамі і рэгіёнамі свету. Аб’ём гандлю паміж КНР і гэтымі партнёрамі складае каля трэці ад агульнага аб’ёму знешняга гандлю краіны. Аб гэтым сведчаць дадзеныя Міністэрства камерцыі КНР, перадае «Жэньмінь жыбаа» анлайн».

У мінулым годзе Кітай падпісаў ПСГ з Эквадорам, Нікарагуа і Сербіяй, падпісаў пратакол аб далейшым удасканаленні ПСГ паміж Кітаем і Сінгапурам, а таксама дабіўся значнага прагрэсу на ранніх этапах перамоваў аб падпісанні ПСГ з Гандурасам.

Пагадненне аб свабодным гандлі паміж Кітаем і Нікарагуа стала першым дакументам для Кітая, які дазваляе весці трансгранічны гандаль паслугамі і ажыццяўляць інвеставанне. Згодна з пратаколам аб далейшым удасканаленні ПСГ паміж Кітаем і Сінгапурам бакі ўзялі на сябе абавязацельствы адкрыць гандаль паслугамі і ажыццяўляць інвеставанне, што забяспечыць шырэйшыя рынкавыя магчымасці для інвестараў і пастаўшчыкоў паслуг, а таксама актывізуе супрацоўніцтва ў лічбавай эканоміцы і іншых сектарах.

Мінкамерцыі Кітая паабяцала сёлета прадоўжыць садзейнічаць фарміраванню сеткі высокастандартных зон свабоднага гандлю і павышаць долі нулявой стаўкі ў адносінах гандлю таварамі. Ведамства будзе імкнуцца пашырыць адкрытасць гандлю паслугамі і інвестыцый, у тым ліку тэлекамунікацыю, медыцынскае абслугоўванне і іншыя сектары.

Як дадало міністэрства, у перамовы па заключэнні ПСГ будуць уключаны высокастандартныя гандлёва-эканамічныя правілы для лічбавай, «зялёнай» эканомікі, стандартнай формы сертыфікацыі, а таксама дзяржаўных закупак.