Наан і кава — новы кітайскі трэнд

Напэўна, няма такой стравы або напою, з якім не спалучалася б традыцыйная сіньцзянская аладка наан, перадае «Жэньмінь жыбаа» анлайн». 

Наан — вельмі распаўсюджаны від хлеба ў Сіньцзяне. Па няпоўных дадзеных, налічваецца больш за 300 відаў розных аладак. Адмысловае значэнне дадзенай стравы выяўляецца ў прыказцы «Лепш тры дні без мяса, чым адзін дзень без аладкі». Наан бывае з перцам, з малочным густам, з ружовымі пялёсткамі, з мясам і іншымі інгрэдыентамі.

У апошні час у Кітаі, у Сінцзян-Уйгурскім аўтаномным раёне, з’явіўся новы модны трэнд — «наан латэ». Для таго, каб прыгатаваць гэтую папулярную ў сацыяльных сетках страву, у аладку наліваюць каву з пенкай у выглядзе сэрца.