Аб’ём знешняга гандлю Шэньчжэня павялічыўся на 45 працэнтаў

Сёлета за першыя два месяцы аб’ём знешняга гандлю горада Шэньчжэнь (правінцыя Гуандун, Паўднёвы Кітай) склаў 675,18 мільярда юаняў (каля 95,14 млрд. долараў), што на 45 працэнтаў больш, чым за адпаведны перыяд летась. Аб гэтым сведчаць дадзеныя Шэньчжэньскай мытні, перадае «Сіньхуа».

За гэты перыяд экспарт Шэньчжэня вырас на 53,1 працэнта ў гадавым вылічэнні — да 441,44 млрд. юаняў, а імпарт дасягнуў 233,74 млрд. юаняў, павялічыўшыся на 31,9 працэнта. У студзені-лютым аб’ём экспарту і імпарту прыватных прадпрыемстваў горада дасягнуў 483,6 млрд. юаняў, павялічыўшыся на 72,4 працэнта ў гадавым вылічэнні і склаўшы 71,6 працэнта ад агульнага аб’ёму знешняга гандлю горада. 

Акрамя таго, за гэты перыяд тавараабарот Шэньчжэня з Асацыяцыяй дзяржаў Паўднёва-Усходняй Азіі (АСЕАН), яго найбуйнейшым гандлёвым партнёрам, дасягнуў 106,92 млрд. юаняў, павялічыўшыся на 58,1 працэнта, і склаў 15,8 працэнта ад агульнага аб’ёму знешняга гандлю горада. У прыватнасці, у студзені-лютым экспарт механічнай і электроннай прадукцыі вырас на 30,2 працэнта ў параўнанні з аналагічным перыядам мінулага года, склаўшы 295,5 млрд. юаняў і 66,9 працэнта ад агульнага аб’ёму экспарту Шэньчжэня.