У Беларусі раннія яравыя збожжавыя і зернебабовыя пасеяны на 22,8 працэнта плошчаў. Аб гэтым паведамляе БелТА са спасылкай на Міністэрства сельскай гаспадаркі і харчавання.
Яравыя культуры пасеяны на 156,6 тыс. га — гэта 6,78 працэнта ад плана. Раннія яравыя збожжавыя і зернебабовыя культуры (без кукурузы, грэчкі, проса) пасеяны на 141 тыс. га, што складае 22,6 працэнта да плана. У Брэсцкай вобласці гэтыя культуры пасеяны на плошчы 53,3 тыс. га, Віцебскай — 3,99 тыс. га, Гомельскай — 17 тыс. га, Гродзенскай — 36,2 тыс. га, Мінскай — 22,6 тыс. га, Магілёўскай — 7, 97 тыс. га.
Аднагадовая трава пасеяна на 14,7 тыс. га плошчаў, што складае 8,23 працэнта ад плана. Таксама аграрыі пачалі сяўбу лёну-даўгунцу. Культура пасеяна на 0,87 тыс. га — гэта 1,74 працэнта ад плана.
Глеба пад сяўбу ранніх яравых падрыхтавана на 300,9 тыс. га — гэта 48,3 працэнта да плана. Таксама вядзецца падкормка культур: азімыя збожжавыя падкормлены на плошчы 1,34 млн. га (87,8 працэнта да плана), крыжакветныя на зерне — 355,7 тыс. га (82,8 працэнта да плана), шматгадовая трава на раллі — 171, 2 тыс. га (18,6 працэнта да плана), палепшаныя лугапашавыя ўгоддзі — 188,6 тыс. га (15 працэнтаў да плана).
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».