Пайшоў з жыцця настаяцель беларускага Нотр-Дама ў Гервятах

Пра гэта паведамілі ў курыі Гродзенскай дыяцэзіі Рымска-каталіцкай царквы.

Ксёндз Леанід Нясцюк быў вядомы жыхарам вобласці і далёка за яе межамі як пробашч парафіі аднаго з найпрыгажэйшых у Беларусі храмаў - касцёла Святой Тройцы ў Гервятах, які называюць беларускім Нотр-Дамам. Настаяцель аддаў гэтаму прыходу 20 гадоў жыцця. Некалькімі днямі раней ён быў шпіталізаваны ў цяжкім стане, выратаваць яго не ўдалося. Апоўдні 27 сакавіка ў касцёле адбудзецца пахавальная служба, а затым - пахаванне.

За час настаяцельства ксяндза Леаніда Несцюка касцёл у невялікім аграгарадку змяніўся: абноўленыя фасад, дах, вітражы, прылеглая тэрыторыя ператварылася ў маленькі Версаль. Ксёндз задумаў і разбіў вакол храма дэндрапарк з рэдкімі дрэвамі, для гэтага ён прайшоў курс ландшафтнага дызайну. У парку з'явілася плошча са скульптурамі Міхаіла Арханёла і 12 апосталаў. Услед за ксяндзом, жадаючы адпавядаць іміджу самай прыгожай вёскі раёна, імкнуліся акультурыць свае тэрыторыі мясцовыя жыхары, установы, арганізацыі. У касцёле праводзяцца вакальныя і арганныя канцэрты з удзелам вядомых беларускіх і замежных выканаўцаў.

Касцёл у Гервятах - у ліку найбольш папулярных месцаў у маршрутах турыстаў з розных краін. Гэты касцёл адзіны ў Беларусі, у архітэктуры якога выкананы ўсе нормы і правілы готыкі.

БЕЛТА