Парламент разглядае законапраект з прапановай Міністэрства ўнутраных спраў перапрацаваць шэраг артыкулаў Кодэкса аб адміністрацыйных правапарушэннях. У прыватнасці, змены закрануць і вадзіцеляў: пакаранне за некаторыя віды парушэнняў правілаў дарожнага руху можа стаць менш суровым, а за іншыя — больш строгім.
Так, забытыя дома дакументы больш не будуць прычынай атрымаць папярэджанне або заплаціць штраф памерам у дзве базавыя велічыні. Дадатковая адказнасць не настане і за паўторнае на працягу года перавышэнне хуткасці больш чым на 20 км/гадз. Але гэта не значыць, што парушальнік застанецца беспакараны: ён павінен будзе заплаціць належны штраф ад 5 да 15 базавых велічынь, але правоў не пазбавіцца. Штраф за адсутнасць страхоўкі ў выпадку аварыі можа скласці ад 5 да 10 базавых, у той час як цяпер лічба дакладная — 10 БВ.
Ёсць у законапраекце і пункты, якія закліканы зрабіць адказнасць, наадварот, больш суровай. Так, прапануюць размежаваць пакаранне за перавышэнне хуткасці на 30 і больш кіламетраў у гадзіну. Пры перавышэнні ад 30 да 40 км/гадз. штраф застанецца ранейшы — ад 3 да 10 базавых, больш чым на 40 км/гадз. — штраф ужо ад 7 да 15 базавых велічынь.
Больш жорсткімі могуць стаць спагнанні і ў дачыненні да бяспраўнікаў за невыкананне патрабаванняў сігналаў рэгулявання, парушэнне правілаў перавозкі пасажыраў або іншых ПДР. Іх прапануюць караць таксама, як і кіроўцаў, якія стварылі аварыйную сітуацыю: штрафам ад 5 да 20 базавых велічынь з пазбаўленнем правоў на два гады альбо без пазбаўлення.
Аднак пакуль усе гэтыя пункты толькі частка законапраекта. Яшчэ не вядома, якія з іх увойдуць у канчатковую рэдакцыю. У парламенце спецыяльная група для абмеркавання прапаноў збярэцца ў лістападзе, пасля гэтага адбудзецца карэкціроўка законапраекта.
Дар'я КАСКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
