Спікер Нацыянальнай асамблеі парламента Ісламскай Рэспублікі Пакістан Сардар Аяз Садзік 19-21 лютага наведае Беларусь. Аб гэтым паведамілі ў прэс-службе МЗС.
У час візіту запланаваны перагаворы з міністрам замежных спраў Уладзімірам Макеем і іншымі афіцыйнымі асобамі. Прадугледжана наведванне Мінскага аўтамабільнага завода, кафедры мовы урду Мінскага дзяржаўнага лінгвістычнага ўніверсітэта, Нацыянальнай бібліятэкі, Беларускага дзяржаўнага музея гісторыі Вялікай Айчыннай вайны.
Беларускі бок разлічвае, што візіт Сардара Аяза Садзіка замацуе пазітыўную дынаміку беларуска-пакістанскіх сувязей па шырокім спектры напрамкаў.
У апошнія гады развіццё беларуска-пакістанскіх адносін набыло высокую дынаміку. За кароткі перыяд часу створана трывалая база для новага ўзроўню ўзаемадзеяння. Палітычнае супрацоўніцтва актыўна дапаўняецца і падтрымліваецца міжпарламенцкім вымярэннем. Па выніках 2017 года беларуска-пакістанскі тавараабарот дасягнуў максімальнага значэння за апошнія 8 гадоў, на 17 працэнтаў перавысіўшы паказчык 2016 года.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
