Свой, адметны чытач у газеты «Звязда». Ён жа, хочацца верыць, глядач тэлеканала «Беларусь 3» і ў прыватнасці праграмы «Размаўляем па-беларуску». Гэтая тэлевіктарына ўжо каторы год у эфіры і магла б выходзіць далей — у звычным фармаце. Аднак стваральнікі вырашылі ўдасканаліць яго (над чым і працуюць)...
А пакуль усе, хто цікавіцца мовай, шануюць яе і, магчыма, плануюць удзел у віктарыне, могуць праверыць сваё веданне з дапамогай «Звязды». Такім чынам ці ведалі вы, што:
аха́йны — старанна прыбраны; чысты, акуратны;
вы́жал — гончы сабака;
мудраге́лісты — 1) цяжкі для разумення, выканання; складаны; 2) замыславаты, вычварны;
непамы́сна — 1) прыкра, непрыемна; 2) (у значэнні выказніка) аб пачуцці прыкрасці, незадавальнення;
пе́сціць — 1) любоўна даглядаць, гадаваць каго-небудзь; ствараць для жыцця, дзейнасці каго-небудзь вельмі спрыяльныя ўмовы; патураць усім жаданням; з любоўю даглядаць, ахоўваць што-небудзь; 2) праяўляць ласку, лашчыць, галубіць каго-небудзь; 3) дзейнічаючы на органы пачуццяў, выклікаць прыемныя адчуванні (пра вецер, сонца і падобнае); 4) жадаць здзяйснення чаго-небудзь прыемнага;
праплі́шчыцца — прабрацца, пралезці праз што-небудзь, куды-небудзь з намаганнямі;
раху́ба — 1) падлікі, разлікі; 2) карысць, выгада, сэнс;
скна́рлівы — надзвычай скупы, прагны;
то́ня — 1) участак вадаёма, прызначаны для лоўлі рыбы закідным невадам; 2) адзін закід невада, а таксама ўлоў ад аднаго закіду;
тук — 1) мінеральнае ўгнаенне; 2) растоплены тлушч.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
