На лінію “102” у аператыўна-дзяжурную службу Маладзечанскага РАУС 25-гадовая гараджанка паведаміла аб тым, што невядомы мужчына выкраў сумку з кашальком, у якім знаходзіліся 50 рублёў, і парэзаў ёй рукі. Па словах заяўніцы, інцыдэнт адбыўся каля ўвечары ў парку культуры і адпачынку імя Перамогі. Аднак у міліцыю дзяўчына звярнулася праз гадзіну, вярнуўшыся дадому.
Да грамадзянкі неадкладна выехалі супрацоўнікі праваахоўных органаў. Аднаўляючы карціну таго, што адбылося, у расповедзе пацярпелай яны выяўлялі ўсё больш непаразуменняў. У выніку аператыўнікі выкрылі дзяўчыну ў хлусні. Заяўніца прызналася, што паведамленне аб разбоі ілжывае, патлумачыўшы, што такім чынам спрабавала патрапіць у бальніцу.
Супрацоўнікі крымінальнага вышуку ўстанавілі, што парэзы на руках дзяўчына нанесла сабе сама. Для гэтага яна ўзяла кухонны нож у суседа, таму што свой быў тупым. Брыгада хуткай дапамогі даставіла грамадзянку ў прыёмнае аддзяленне, але пасля агляду спецыяліста пацыентку адпусцілі дадому. Тады ёй і прыйшла ў галаву думка паведаміць у міліцыю аб разбойным нападзе.
Па дадзеным факце праводзіцца праверка. Як паведамляе УУС Мінскага аблвыканкама, за загадзя ілжывы данос заяўніцы пагражае да пяці гадоў пазбаўлення волі.
Сяргей РАСОЛЬКА
Прэв'ю: temperednetworks.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
