Раніцай у мясцовае РАУС паступіла тэлефоннае паведамленне: мясцовая жыхарка расказала пра знікненне з яе банкаўскай карткі каля 20 тысяч долараў і больш за 13,5 тысячы еўра.
Аператыўнікі аддзела па раскрыцці злачынстваў у сферы высокіх тэхналогій УУС Міншчыны высветлілі, што напярэдадні ў адным з месэнджараў з пацярпелай звязваўся мужчына.
Незнаёмы нібыта хацеў набыць тэлевізар, які жанчына прадавала праз гандлёвую інтэрнэт-пляцоўку. Для ўнясення перадаплаты ён папрасіў перадаць рэквізіты яе банкаўскай карткі. Аднак, паводле яго слоў, транзакцыя не прайшла, у сувязі з чым жанчыне было прапанавана прайсці па спасылцы на сайт банка для правядзення аперацыі ў асабістым кабінеце.
Сайт апынуўся несапраўдным. Уведзенымі лагінам і паролем завалодаў невядомы, які пазней выкраў з рахунку пацярпелай грошы. Адпаведна, перадаплаты яна таксама не атрымала.
Як паведамляе УУС Мінскага аблвыканкама, работа па ўстанаўленні асобы падазраванага працягваецца.
Сяргей РАСОЛЬКА
Прэв'ю: v-kurse.ru
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
