Ужыванне спіртных напояў зноў стала ўскоснай прычынай хуліганскіх дзеянняў. На гэты раз у поле зроку праваахоўнікаў трапіў раней не судзімы жыхар Мастоўскага раёна 1995 года нараджэння.
Малады чалавек адпачываў у адной з забаўляльных устаноў райцэнтра і менавіта тут здзейсніў непрыгожы ўчынак, якому ўжо дадзена прававая ацэнка. Ноччу хлопец зайшоў у санвузел кавярні, дзе кінуў ва ўнітаз петарду. Ад выбуху яго разарвала на кавалкі, і ён цалкам страціў сваё функцыянальнае прызначэнне, паведамляе УУС Гродзенскага аблвыканкама.
Тое, што адбылося з сантэхнікай, гаспадары забаўляльнай установы выявілі перад яе закрыццём. Асобу хулігана ўдалося ўстанавіць па камерах відэаназірання. Сума нанесенай шкоды - адна тысяча рублёў.
Сяргей РАСОЛЬКА
Прэв'ю: newgrodno.by
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
