У Беларусі ў 3 600 дзяцей выяўлена каранавірусная інфекцыя. Пра гэта падчас анлайн-брыфінгу распавяла галоўны спецыяліст аддзела медыцынскай дапамогі маці і дзецям Міністэрства аховы здароўя Таццяна Бурдзь, паведамляе агенцтва «Мінск-Навіны».
Паводле слоў спецыяліста, 95% юных пацыентаў пераносяць каранавірус у практычна бессімптомнай форме. У невялікай часткі тых, хто захварэў назіраецца сярэднецяжкі стан. У гэтай групы дзяцей, як правіла, ёсць спадарожныя захворванні - анкагематалагічныя хваробы або атлусценне. Як адзначыла Т. Бурдзь, цяжкіх выпадкаў COVID-19 сярод дзяцей у Беларусі не назіралася.
Па дадзеных Міністэрства аховы здароўя, з пачатку распаўсюджвання інфекцыі на тэрыторыі краіны нарадзіліся 62 дзіцяці ад жанчын з станоўчым тэстам на каранавірус, уключаючы дзве двойні. Усе нованароджаныя здаровыя.
У структуры дзіцячых хвароб у Беларусі звыш 60% складаюць паталогіі органаў дыхання, на другім радку па частаце выяўленняў знаходзяцца хваробы органаў зроку, на трэцім месцы - захворванні апорна-рухальнай сістэмы, уключаючы наступствы траўмаў, а на чацвёртым радку - хваробы органаў стрававання.
Нагадаем, па стане на 1 чэрвеня ў Беларусі зарэгістраваны 43 403 выпадкі каранавіруснай інфекцыі. Ачунялі і выпісаныя 18 776 чалавек, памерлі 240 пацыентаў.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».