Законапраект па пытаннях пакрыцця банкаўскіх укладаў разгледзяць дэпутаты ў першым чытанні

Чарговае пасяджэнне пятай сесіі Палаты прадстаўнікоў адбудзецца 7 мая, паведамілі ў прэс-службе Палаты прадстаўнікоў.

У парадак дня ўключаны 4 пытанні. Заканадаўцы маюць намер разгледзець у першым чытанні законапраекты «Аб змяненні Закона Рэспублікі Беларусь «Аб геадэзічнай і картаграфічнай дзейнасці», «Аб змяненні законаў» (пакрыццё банкаўскіх укладаў).

У другім чытанні плануецца разгледзець праект Закона «Аб змяненні кодэксаў па пытаннях крымінальнай адказнасці».

Парадкам дня пасяджэння таксама прадугледжаны разгляд пытання аб правядзенні парламенцкіх слуханняў на тэму «Нацыянальная сістэма адукацыі: стан, заканадаўчае рэгуляванне, шляхі ўдасканалення».

Прэв’ю: БелТА