У Гомелі выяўлена 100 люмінесцэнтных лямпаў — ратавальнікі правялі працы для іх утылізацыі. Аб гэтым паведамляе БелТА са спасылкай на абласное ўпраўленне МНС.
15 верасня ў 15.59 у МНС паступіла паведамленне ад грамадзяніна аб тым, што на вул. Карастаянавай на пляцоўцы для збору смецця выяўлена вялікая колькасць люмінесцэнтных лямпаў. Па прыбыцці да месца выкліку было ўстаноўлена, што там знаходзіцца каля 100 люмінесцэнтных лямпаў, частка з якіх разбіта.
«Работнікамі службы хімічнай і радыяцыйнай абароны абласнога ўпраўлення МНС былі зроблены замеры на перавышэнне ГДК ртутных пароў. Перавышэнне не зафіксавана. Работнікамі КЖРЭУП „Сельмашаўскае“ лямпы былі канфіскаваныя для наступнай утылізацыі. Пацярпелых няма», — распавялі ў МНС.
Варта адзначыць, што выкідваць люмінесцэнтныя лямпы ў месцах агульнага збору смецця не дапускаецца. Для гэтага ёсць спецыялізаваныя месцы для іх збору з наступнай утылізацыяй.
Фота Гомельскага абласнога УМНС
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
