Вечарам супрацоўнікі Першамайскага РУУС сталіцы выбылі па месцы жыхарства 23-гадовага мінчаніна з мэтай выканання вынесенай у дачыненні да яго пастановы суда аб прымяненні пакарання ў выглядзе дзесяці сутак арышту. Што было далей, паведамляе ГУУС Мінгарвыканкама.
Знаходзячыся ў кватэры, малады чалавек, а таксама яго 50-гадовы бацька, паводзілі сябе агрэсіўна, аказалі супраціўленне і прымянілі ў дачыненні да праваахоўнікаў насілле, у выніку чаго супрацоўнікам міліцыі былі нанесены цялесныя пашкоджанні, а таксама пашкоджана форменнае абмундзіраванне. Мужчыны былі затрыманыя і змешчаныя ў ізалятар часовага ўтрымання ГУУС Мінгарвыканкама.
Следчыя далі прававую ацэнку дзеянням затрыманых і распачалі крымінальную справу па факце прымянення гвалту ў адносінах да супрацоўнікаў органаў унутраных спраў.
Сяргей РАСОЛЬКА
Прэв’ю: pixabay.com
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».