Вы тут

XVI Міжнародны форум студэнцкіх хароў «Папараць-кветка БДУ» пройдзе з 19 па 22 мая


У сёлетнім сезоне плануецца ўдзел пяці хароў з ВНУ Беларусі і Расіі. Сярод іх студэнцкія хоры «Cantus Juventae» МДЛУ, «МОНТЕМ» Санкт-Пецярбургскага горнага ўніверсітэта, Фінансавага ўніверсітэта пры Урадзе Расійскай Федэрацыі і Камерны хор Маскоўскага педагагічнага дзяржаўнага ўніверсітэта.


Адкрыецца форум 19 мая майстар-класам па харавым майстэрстве. Правядзе яго член экспертнага савета харавога форуму, музыказнаўца, кампазітар Ірына Дзянісава. Абраны для разбору твор усе ўдзельнікі выканаюць на Гала-канцэрце.

Конкурсная праграма стартуе 20 мая канцэртам свецкай музыкі ў Мінскім дзяржаўным музычным каледжы імя М.І. Глінкі. Духоўныя творы прагучаць у гэты ж дзень увечары ў Архікафедральным саборы Найсвяцейшага Імя Найсвяцейшай Панны Марыі. 

Завершыцца «Папараць-кветка БДУ» 21 мая Гала-канцэртам у канцэртнай зале «Верхні горад», дзе гледачы змогуць паслухаць найлепшыя творы форуму. Акрамя канкурсантаў свае нумары прадставіць Народная студэнцкая харавая капэла БДУ. У гэты ж дзень назавуць пераможцаў у сямі намінацыях: «Лепшы хор», «Свецкая праграма», «Духоўная праграма», «Дырыжор», «Твор», «Саліст» і «Канцэртмайстар».

З праграмай фестывалю можна азнаёміцца тут http://www.chorum.bsu.by/

Уваход на ўсе канцэрты для ўсіх ахвотных вольны.

Арганізатарамі мерапрыемства выступаюць упраўленне па справах культуры і Народная харавая капэла БДУ.

Даведка

Міжнародны форум маладзёжных і студэнцкіх хораў «Папараць-кветка БДУ» праводзіцца штогод з 2006 года. Маштабнае мерапрыемства накіравана на захаванне традыцый беларускага і сусветнага харавога мастацтва, стварэнне ўмоў для музычнай асветы моладзі.
За гэты перыяд яго ўдзельнікамі сталі больш за 50 калектываў з Беларусі, Расіі, Украіны, Літвы, Латвіі, Польшчы, Сербі і Грузіі. У рабоце экспертнага савета прынялі ўдзел больш за 30 чалавек, сярод якіх славутыя дзеячы мастацтваў, кампазітары, харавыя дырыжоры і педагогі, арганізатары буйных міжнародных праектаў у галіне харавой музыкі. Конкурсная праграма форума традыцыйна ўключае духоўную і свецкую праграму.

Надзея НІКАЛАЕВА

Прэв’ю: pixabay.com

Выбар рэдакцыі

Грамадства

Пар­ты­зан­скі след у Бе­ла­рус­кай на­сту­паль­най апе­ра­цыі «Баг­ра­ці­ён»

Пар­ты­зан­скі след у Бе­ла­рус­кай на­сту­паль­най апе­ра­цыі «Баг­ра­ці­ён»

Ба­я­вое ўза­е­ма­дзе­ян­не най­вы­шэй­ша­га ўзроў­ню.

Грамадства

Якой павінна быць ежа для дзяцей: смачнай ці карыснай?

Якой павінна быць ежа для дзяцей: смачнай ці карыснай?

«Дзесяцігоддзі школьнае харчаванне нашых дзяцей будавалася на аснове зборніка рэцэптур».

Энергетыка

Беларусь у лідарах па энергаэфектыўнасці

Беларусь у лідарах па энергаэфектыўнасці

А сярод краін ЕАЭС — на першым месцы.