Коратка

Шосты з'езд беларусаў свету пройдзе 23-24 ліпеня ў Мінскім міжнародным адукацыйным цэнтры імя Ё. Рау. Плануецца, што форум збярэ больш як 300 дэлегатаў з 20 краін свету.

Беларусы могуць аформіць шматразовую электронную візу ў Турцыю пры наяўнасці шэнгенскай візы. Сістэма электронных віз уведзена ў Турцыі з 17 красавіка 2013 года. Такія візы выдаюцца на ўезд з мэтамі турызму або гандлю.

22 ліпеня каля гадзіны ночы чатыры легкавыя машыны па чарзе ўспыхнулі ў розных месцах мікрараёна Сож у Крычаве. У выніку пажару знішчаны аўтамабіль "Фольксваген Джэта", пашкоджаны салоны яшчэ трох аўтамабіляў. Як мяркуецца, прычына пажару — падпал.

Каля паўтара сутак правёў у лесе 73-гадовы жыхар Нараўлянскага раёна, які на машыне адправіўся ў лес па ягады і заблудзіўся. На пошукі адправіліся выратавальнікі, міліцыянеры, леснікі, работнікі Палескага дзяржаўнага радыяцыйна-экалагічнага запаведніка, добраахвотнікі.